ಕಳೆದ ನಾಲ್ಕು ವರ್ಷಗಳಲ್ಲಿ ನಡೆದ ರೈಲ್ವೆ ಲೆನಿನ್ ಕಳ್ಳತನದಿಂದ ಕಾಂಟ್ರಾಕ್ಟರ್​ಗಳು ಸುಮಾರು 104.51 ಕೋಟಿ ರೂಪಾಯಿ ನಷ್ಟ ಅನುಭವಿಸಿದ್ದರೆ. ಆದರೆ ಈ ನಷ್ಟವನ್ನು ಕಾಂಟ್ರಾಕ್ಟರ್ ಗಳು ತಾವು ಭರಿಸುತ್ತಿಲ್ಲ. ಪ್ರತಿದಿನ ಕೇವಲ 700 ರೂಪಾಯಿಗೆ ಕೂಲಿ ಮಾಡುವ ಅಮಾಯಕ ಎಸಿ ಕೋಚ್ ಅಟೆಂಡರ್​ಗಳ ಸಂಬಳದಿಂದ ರಿಕವರಿ ಮಾಡುತ್ತಿದ್ದಾರೆ. ತಮ್ಮ ಕಣ್ಣ ಎದುರೇ ನಷ್ಟ ಅನುಭವಿಸುತ್ತಿದ್ದೇವೆ ಎಂದು ಅಟೆಂಡರ್​​ಗಳು ತಮ್ಮ ಸಹಾಯಕತೆಯನ್ನು ವ್ಯಕ್ತಪಡಿಸಿದ್ದಾರೆ.

ನಾಲ್ಕು ವರ್ಷಗಳಲ್ಲಿ ಕಾಣೆಯಾದ 1.27 ಕೋಟಿ ವಸ್ತುಗಳ ಪಟ್ಟಿಯನ್ನು ನೋಡಿದರೆ ಪ್ರಯಾಣಿಕರು ಯಾವ ವಸ್ತುವನ್ನು ಕಳ್ಳತನ ಮಾಡುತ್ತಾರೆ ಅಂತ ತಿಳಿಯುತ್ತದೆ.

• ಫೇಸ್ ಟವಲ್​​: 46.54 ಲಕ್ಷ
• ಬೆಡ್ಶೀಟ್: 41.13 ಲಕ್ಷ
• ತಲೆದಿಂಬು ಕವರ್​: 23.59 ಲಕ್ಷ
• ಬ್ಲಾಂಕೆಟ್: 12.95 ಲಕ್ಷ
• ತಲೆದಿಂಬು: 2.76 ಲಕ್ಷ

ದೇಶಾದ್ಯಂತದ ಎಲ್ಲಾ ಕಳ್ಳತನಗಳಲ್ಲಿ ಕೇವಲ 10 ವಿಭಾಗಗಳು ಶೇಕಡಾ 67 ರಷ್ಟು ಪಾಲನ್ನು ಹೊಂದಿವೆ ಎಂಬುದು ಗಮನಾರ್ಹ ಸಂಗತಿ.

• ರಾಜಸ್ಥಾನ ಬಿಕಾನೆರ್: 25.76 ಲಕ್ಷ ವಸ್ತುಗಳ ಕಳ್ಳತನದೊಂದಿಗೆ ದೇಶಕ್ಕೆ ನಂಬರ್ ಒನ್. 2022ಕ್ಕೆ ಹೋಲಿಕೆ ಮಾಡಿದರೆ ಕಳ್ಳತನ ಪ್ರಕರಣಗಳು ಶೇಕಡಾ 4ರಷ್ಟು ಹೆಚ್ಚಾಗಿದೆ.
• ರಾಂಚಿ: 9.31 ಲಕ್ಷ
• ದೆಹಲಿ: 8.21 ಲಕ್ಷ
• ಮುಂಬೈ: 8.17 ಲಕ್ಷ
• ಜೋಧ್ಪುರ: 8.09 ಲಕ್ಷ
• ಅಹಮಾದಾಬಾದ್: 6.94 ಲಕ್ಷ
• ದಾನಾಪುರ್: 5.72 ಲಕ್ಷ

ಕಳ್ಳತನ ಪ್ರಕರಣಗಳಲ್ಲಿ ಉತ್ತರ ಭಾರತಕ್ಕೆ ಹೋಲಿಕೆ ಮಾಡಿದೆ ದಕ್ಷಿಣ ಭಾರತವನ್ನು ಗ್ರೇಟ್ ಅಂತ ಕರೆಯಬಹುದು. ಏಕೆಂದರೆ ತಿರುಚಿರಾಪಳ್ಳಿ ಮತ್ತು ಪಾಲಕ್ಕಾಡ್ ವಿಭಾಗಗಳಿಂದ ಒಂದೇ ಒಂದು ಲಿನಿನ್ ವಸ್ತುವೂ ಕದ್ದಿರುವ ವರದಿಯಾಗಿಲ್ಲ. ಅದೇ ರೀತಿ, ದೆಹಲಿಯಲ್ಲಿ ಶೇಕಡಾ 79 ಮತ್ತು ಅಹಮದಾಬಾದ್ ನಲ್ಲಿ ಶೇಕಡಾ 83 ರಷ್ಟು ಕಳ್ಳತನ ಪ್ರಕರಣಗಳು ಗಮನಾರ್ಹವಾಗಿ ಕಡಿಮೆಯಾಗಿದೆ ಎಂದು ನ್ಯೂಸ್​18 ಇಂಗ್ಲೀಷ್ ವರದಿ ಮಾಡಿದೆ.

ಕಳ್ಳತನ ಪ್ರಕರಣಗಳನ್ನು ಗಂಭೀರವಾಗಿ ಪರಿಗಣಿಸಿರುವ ರೈಲ್ವೆ ಇಲಾಖೆ, ಕಳ್ಳತನ ತಡೆಗಟ್ಟಲು ಹೊಸ ತಂತ್ರಗಳನ್ನು ಜಾರಿಗೆ ತರುತ್ತಿದೆ. ರೈಲ್ವೆ ಆಸ್ತಿ ಕಾಯ್ದೆಯ ಪ್ರಕಾರ, ಬೆಡ್​​ಶೀಟ್ ಕಳ್ಳತನ ಜಾಮೀನು ರಹಿತ ಅಪರಾಧವಾಗಿದೆ. ಅನುಮಾನ ಬಂದರೆ, ಪ್ರಯಾಣಿಕರ ಲಗೇಜ್ ಪರಿಶೀಲಿಸುವ ಅಧಿಕಾರ ಆರ್‌ಪಿಎಫ್ ಪೊಲೀಸರಿಗೆ ಇದೆ. ಉಳಿದಂತೆ ಬೋಗಿಗಳಲ್ಲಿ ಸಿಸಿಟಿವಿ ಕಣ್ಗಾವಲು ಹೆಚ್ಚಿಸುವುದರ ಜೊತೆಗೆ, ಗ್ಯಾಸ್ ಸಿಲಿಂಡರ್‌ಗಳಂತೆ ಲಿನಿನ್ ವಿತರಣೆಯನ್ನು ಪತ್ತೆಹಚ್ಚಲು ಕೋಚ್ ಮಿತ್ರ ಅಪ್ಲಿಕೇಶನ್ ಅನ್ನು ಬಳಸಲಾಗುತ್ತಿದೆ. ಪ್ರಯಾಣಿಕರು ಇಳಿಯುವ 30 ನಿಮಿಷಗಳ ಮೊದಲು ಬೆಡ್‌ರೋಲ್‌ಗಳನ್ನು ಹಿಂತಿರುಗಿಸಬೇಕು ಎಂಬ ನಿಬಂಧನೆಯೊಂದಿಗೆ ಪ್ಯಾಕೆಟ್‌ಗಳನ್ನು ಮುದ್ರಿಸಲಾಗುತ್ತಿದೆ.