ಜೂನ್ 5, 2026 (ಇಂದು-ಶುಕ್ರವಾರ), ಜೂನ್ 12, 2026 ಮತ್ತು ಜುಲೈ 3, 2026 ಈ ಮೂರು ದಿನಗಳಂದು ಮಾತ್ರ ರೈಲು ಬದಲಿ ಮಾರ್ಗದಲ್ಲಿ ಸಂಚರಿಸಲಿದ್ದು, ಉಳಿದ ದಿನಗಳಲ್ಲಿ ಸಾಮಾನ್ಯ ಮಾರ್ಗದಲ್ಲೇ ಓಡಲಿದೆ. ಇದರಿಂದ 2 ತಾಸು ಪ್ರಯಾಣದ ಅವಧಿ ಹೆಚ್ಚಲಿದೆ. ಹಾಗಾಗಿ ಪ್ರಯಾಣಿಕರು ಇದನ್ನು ಗಮನಿಸಬೇಕು ಎಂದು ತಿಳಿಸಿದೆ.

ಮಾರ್ಗ ಬದಲಾವಣೆಯ ದಿನಗಳಂದು ದೇವನೂರು, ಅರಸೀಕೆರೆ, ತಿಪಟೂರು, ತುಮಕೂರು, ಚಿಕ್ಕಬಾಣಾವರ, ಎಸ್‌ಎಂವಿಟಿ ಬೆಂಗಳೂರು, ಕೃಷ್ಣರಾಜಪುರಂ, ವೈಟ್‌ಫೀಲ್ಡ್, ಬಂಗಾರಪೇಟೆ, ಕುಪ್ಪಂ, ಜೊಲಾರ್‌ಪೆಟ್ಟೆ, ಕಟಪಾಡಿ, ಚಿತ್ತೂರು ಮತ್ತು ಪಾಕಾಲ ನಿಲ್ದಾಣಗಳಲ್ಲಿ ರೈಲು ನಿಲ್ಲುವುದೇ ಇಲ್ಲ! ಈ ನಿಲ್ದಾಣಗಳಿಂದ ಟಿಕೆಟ್ ಬುಕ್ ಮಾಡಿರುವವರು ತಕ್ಷಣ ಪರ್ಯಾಯ ವ್ಯವಸ್ಥೆ ಮಾಡಿಕೊಳ್ಳಿ.

ಸಂಜೆ 5:30ಕ್ಕೆ ಚಿಕ್ಕಮಗಳೂರಿನಿಂದ ಹೊರಟು ಮರುದಿನ ಬೆಳಗ್ಗೆ 7:50ಕ್ಕೆ ತಿರುಪತಿ ತಲುಪುವ ಈ ಸಾಪ್ತಾಹಿಕ LHB ರೇಕ್ ರೈಲಿನಲ್ಲಿ 2A, 3A ಮತ್ತು SL ದರ್ಜೆ ಕೋಚ್‌ಗಳಿದ್ದು ಈ-ಕ್ಯಾಟರಿಂಗ್ ಸೌಲಭ್ಯವೂ ಲಭ್ಯವಿದೆ. ಹಾಗೂ 350 ರೂಪಾಯಿಯಿಂದಲೇ ಟಿಕೆಟ್‌ ದರ ಶುರುವಾಗುವ ಕಾರಣಕ್ಕೆ ಜನಸಾಮಾನ್ಯರಿಗೆ ಅತಿ ಕಮ್ಮಿ ಖರ್ಚಿನಲ್ಲಿ ಓಡಾಟದ ಅವಕಾಶ ಕಲ್ಪಿಸಲಾಗಿದೆ. ತಿರುಪತಿ ದರ್ಶನ ಮತ್ತು ಹೋಟೆಲ್ ಬುಕಿಂಗ್ ಮಾಡಿಕೊಂಡಿರುವ ಪ್ರಯಾಣಿಕರು ಈ ಮಾರ್ಗ ಬದಲಾವಣೆಗೆ ತಕ್ಕಂತೆ ತಮ್ಮ ಯೋಜನೆ ಮರುಹೊಂದಿಸಿಕೊಳ್ಳುವಂತೆ ನೈಋತ್ಯ ರೈಲ್ವೆ ಇಲಾಖೆ ಕೋರಿದೆ. ಹೀಗಾಗಿ ಪ್ರಯಾಣಿಕರು ಈ ಮಾರ್ಪಾಡನ್ನು ಹೊರತುಪಡಿಸಿ ಈ ರೈಲ್ವೆ ಪ್ರಯಾಣವನ್ನು ಆರಾಮಾಗಿ ಮಾಡಬಹುದು ಹಾಗೆಯೇ ಇದು ಕುಟುಂಬ ಪ್ರವಾಸಕ್ಕೆ ಸೂಕ್ತ ಎಂಬುದು ನಮ್ಮ ಅಂಬೋಣ.