ಅರ್ಷದೀಪ್ ಸಿಂಗ್ ಮತ್ತು ಸಮ್ರೀನ್ ಕೌರ್ ನಡುವಿನ ಲವ್​​ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಬಹಳ ಸಮಯದಿಂದ ಚರ್ಚೆ ನಡೆಯುತ್ತಿತ್ತು. ಆದರೆ, ಅವರಿಬ್ಬರೂ ಅದರ ಬಗ್ಗೆ ಬಹಿರಂಗವಾಗಿ ಯಾವುದೇ ಪ್ರತಿಕ್ರಿಯೆ ನೀಡಿರಲಿಲ್ಲ. ಈಗ, ಅರ್ಷದೀಪ್ ಸಮ್ರೀನ್ ಜೊತೆಗಿನ ಎರಡು ಫೋಟೋಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳುವ ಮೂಲಕ ತಮ್ಮ ಸಂಬಂಧವನ್ನು ಅಧಿಕೃತವಾಗಿ ದೃಢಪಡಿಸಿದ್ದಾರೆ. ಫೋಟೋಗಳಿಗಿಂತ ಹೆಚ್ಚಾಗಿ, ಅರ್ಶ್ದೀಪ್ “ಮೈ ಪರ್ಸನ್” ಎಂದು ಬರೆದ ಶೀರ್ಷಿಕೆಗೆ ಅಭಿಮಾನಿಗಳು ಆಕರ್ಷಿತರಾದರು. ಅವರ ಪೋಸ್ಟ್ ನಂತರ, ಅಭಿಮಾನಿಗಳು ಅವರಿಗೆ ಶುಭ ಹಾರೈಕೆಗಳನ್ನು ಸಲ್ಲಿಸಲು ಪ್ರಾರಂಭಿಸಿದ್ದಾರೆ.

ಸಮ್ರೀನ್ ಕೌರ್ ಸೆಪ್ಟೆಂಬರ್ 7, 1999 ರಂದು ಜಮ್ಮು ಮತ್ತು ಕಾಶ್ಮೀರದಲ್ಲಿ ಜನಿಸಿದರು. ಅವರು ಪುಣೆಯ ಸಿಂಬಿಯೋಸಿಸ್ ಕಾಲೇಜ್ ಆಫ್ ಆರ್ಟ್ಸ್ ಅಂಡ್ ಕಾಮರ್ಸ್‌ನಿಂದ ಬಿ.ಕಾಂ (ಆನರ್ಸ್) ಪದವಿ ಪಡೆದಿದ್ದಾರೆ. ತಮ್ಮ ಅಧ್ಯಯನವನ್ನು ಪೂರ್ಣಗೊಳಿಸಿದ ನಂತರ, ಅವರು ಗ್ಲಾಮರ್ ಮತ್ತು ಮನರಂಜನಾ ಉದ್ಯಮದಲ್ಲಿ ವೃತ್ತಿಜೀವನವನ್ನು ಮುಂದುವರಿಸಲು ನಿರ್ಧರಿಸಿದರು. ಇಂದು, ಸಮ್ರೀನ್ ನಟಿ, ರೂಪದರ್ಶಿ ಮತ್ತು ಸಾಮಾಜಿಕ ಮಾಧ್ಯಮ ಪ್ರಭಾವಿಯಾಗಿ ತಮ್ಮನ್ನು ತಾವು ಸ್ಥಾಪಿಸಿಕೊಂಡಿದ್ದಾರೆ. ಫ್ಯಾಷನ್, ಪ್ರಯಾಣ ಮತ್ತು ಲೈಫ್​ಸ್ಟೈಲ್​​ ಕುರಿತು ಅವರ ಪೋಸ್ಟ್‌ಗಳು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಜನಪ್ರಿಯವಾಗಿವೆ.

2028ರಲ್ಲಿ ಫೆಮಿನಾ ಮಿಸ್ ಇಂಡಿಯಾ ಸ್ಪರ್ಧೆಯಲ್ಲಿ ಫೈನಲ್ ತಲುಪಿದ ನಂತರ ಸಮ್ರೀನ್​​ ಕೌರ್​ ಹೆಸರು ಮೊದಲ ಬಾರಿಗೆ ಮನ್ನಣೆ ತಂದುಕೊಟ್ಟಿತು. ಈ ವೇದಿಕೆಯು ಅವರಿಗೆ ಮಾಡೆಲಿಂಗ್ ಉದ್ಯಮಕ್ಕೆ ಬಾಗಿಲು ತೆರೆಯಿತು ಮತ್ತು ನಂತರ ಅವರು ನಟನಾ ಜಗತ್ತಿಗೆ ಪ್ರವೇಶಿಸಿದರು. ಮಾಡೆಲಿಂಗ್ ನಂತರ, ಸಮ್ರೀನ್ ನಟನೆಯಲ್ಲೂ ತಮ್ಮನ್ನು ತಾವು ಸ್ಥಾಪಿಸಿಕೊಂಡರು. ಅವರು ZEE5 ವೆಬ್ ಸಿರೀಸ್​ “ನೇಲ್ ಪಾಲಿಶ್” ನಲ್ಲಿ ಕಾಣಿಸಿಕೊಂಡರು. ಅವರು “83” ಮತ್ತು “ಸರ್ದಾರ್ ಜಿ2” ನಂತಹ ಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾರೆ. ಸಮ್ರೀನ್ ಹಲವಾರು ಹಿಟ್ ಮ್ಯೂಸಿಕ್ ವಿಡಿತೋಗಳ ಭಾಗವಾಗಿದ್ದಾರೆ. ಅವರು ಜುಬಿನ್ ನೌಟಿಯಾಲ್, ಬಾದ್‌ಶಾ ಮತ್ತು ಗುರು ರಾಂಧವಾ ಅವರಂತಹ ಪ್ರಸಿದ್ಧ ಗಾಯಕರೊಂದಿಗೆ ಕೈಜೋಡಿಸಿದರು. “ಬಾವ್ಲಾ” ಮತ್ತು “ತುಜೆ ಭೂಲ್ನಾ ತೋ ಚಾಹಾ” ನಂತಹ ಹಾಡುಗಳು ಅವರಿಗೆ ಅಪಾರ ಜನಪ್ರಿಯತೆಯನ್ನು ತಂದುಕೊಟ್ಟದ್ದವು.

ಐಪಿಎಲ್ 2026ರ ಸಮಯದಲ್ಲಿ ಅರ್ಷದೀಪ್ ಸಿಂಗ್ ಮತ್ತು ಸಮ್ರೀನ್ ಕೌರ್ ಅವರ ಸಂಬಂಧದ ಬಗ್ಗೆ ವದಂತಿಗಳು ತೀವ್ರಗೊಂಡವು. ಸ್ನ್ಯಾಪ್‌ಚಾಟ್ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಅರ್ಷದೀಪ್ ಒಬ್ಬ ಹುಡುಗಿಯ ಜೊತೆ ಕೈ ಹಿಡಿದುಕೊಂಡಿದ್ದರು. ನಂತರ ಅಭಿಮಾನಿಗಳು ಅವರ ಹಚ್ಚೆಗಳು, ಬಟ್ಟೆ ಮತ್ತು ಪರಿಕರಗಳನ್ನು ಸಮ್ರೀನ್ ಅವರ ಫೋಟೋಗಳೊಂದಿಗೆ ಹೋಲಿಸಲು ಪ್ರಾರಂಭಿಸಿದರು, ಇದು ಸಂಬಂಧದ ಬಗ್ಗೆ ಊಹಾಪೋಹಗಳಿಗೆ ಮತ್ತಷ್ಟು ಉತ್ತೇಜನ ನೀಡಿತು.