ಕಂಪನಿಯ ಸಹ–ಸಂಸ್ಥಾಪಕ ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಭಿಷೇಕ್ ಗಂಗೂಲಿ ಅವರು ನಟಿ ಅನುಷ್ಕಾ ಶರ್ಮಾ ಅವರ ಹೂಡಿಕೆ ಹಾಗೂ ಅವರ ಯೋಗ-ಉಡುಗೆ ವ್ಯವಹಾರದಲ್ಲಿ ಭಾಗವಹಿಸುವ ವಿಚಾರವನ್ನು ದೃಢಪಡಿಸಿರುವುದಾಗಿ ತಿಳಿದುಬಂದಿದೆ.

ಕಳೆದ ವರ್ಷ, ವಿರಾಟ್ ಕೊಹ್ಲಿ ಅವರು ಜರ್ಮನ್ ಕ್ರೀಡಾ ಬ್ರ್ಯಾಂಡ್ ಪೂಮಾ ಇಂಡಿಯಾ ಜೊತೆಗಿನ ದೀರ್ಘಸಂಬಂಧವನ್ನು ಮುಕ್ತಾಯಗೊಳಿಸಿದ ನಂತರ ಅಜಿಲಿಟಾಸ್ ಸ್ಪೋರ್ಟ್ಸ್‌ನಲ್ಲಿ ಅಲ್ಪಸಂಖ್ಯಾತ ಹಂಚಿಕೆಯನ್ನು ಪಡೆದಿದ್ದರು. ಆ ಸಮಯದಲ್ಲಿ One8 ಬ್ರ್ಯಾಂಡ್ ಹಕ್ಕುಗಳನ್ನೂ ಅಜಿಲಿಟಾಸ್‌ಗೆ ವರ್ಗಾಯಿಸಿದ ಬಗ್ಗೆ ವರದಿಗಳು ಪ್ರಸ್ತಾಪಿಸಿವೆ.

ಬೆಂಗಳೂರು ಮೂಲದ ಅಜಿಲಿಟಾಸ್ ಸ್ಪೋರ್ಟ್ಸ್ ಕ್ರೀಡಾ ಪಾದರಕ್ಷೆ ಮತ್ತು ಉಡುಪುಗಳ ಅಭಿವೃದ್ಧಿಯಲ್ಲಿ ತೊಡಗಿರುವ ಕಂಪನಿ. ಪೂಮಾ ಇಂಡಿಯಾದ ಮಾಜಿ ಉನ್ನತಾಧಿಕಾರಿಗಳು ಇದನ್ನು ಆರಂಭಿಸಿದ್ದು, ಕಳೆದ ಕೆಲವು ವರ್ಷಗಳಲ್ಲಿ ಇದು ಭಾರತದ ಸ್ಪೋರ್ಟ್ಸ್‌ವೇರ್ ಮಾರುಕಟ್ಟೆಯಲ್ಲಿ ವೇಗವಾಗಿ ಬೆಳೆಯುತ್ತಿರುವ ಸಂಸ್ಥೆಯಾಗಿದೆ.

ಮದುವೆ ಬಳಿಕ ನಟನೆಯಿಂದ ದೂರ ಸರಿದಿರುವ ಅನುಷ್ಕಾ ಶರ್ಮಾ ಪತಿ ವಿರಾಟ್ ಕೊಹ್ಲಿ ಮ್ಯಾಚ್‌ ನೋಡಲು ಬಂದೇ ಬರುತ್ತಾರೆ. ಜೊತೆಗೆ ಮ್ಯಾಚ್‌ ನೋಡಲು ಬಂದಾಗಲೆಲ್ಲ ಅನುಷ್ಕಾ ತಮ್ಮ ಫ್ಯಾಶನ್ ಮೂಲಕ ಎಲ್ಲರ ಗಮನ ಸೆಳೆಯುತ್ತಾರೆ. ಆದ್ರೆ ಈ ಬಾರಿ ಸ್ವಲ್ಪ ವಿಭಿನ್ನವಾಗಿ ಜನ ಮನಸ್ಸು ಗೆದ್ದಿದ್ದಾರೆ ಅನುಷ್ಕಾ.

ಇತ್ತೀಚಿಗೆ ಧರ್ಮಶಾಲಾದ HPCA ಸ್ಟೇಡಿಯಂನಲ್ಲಿ RCB vs GT ಕ್ವಾಲಿಫೈಯರ್ ಪಂದ್ಯದ ಸಮಯದಲ್ಲಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಲ್ಲಿ ಕುಳಿತಿದ್ದ ಅನುಷ್ಕಾ ಶರ್ಮಾ ತಮ್ಮ ಬೆರಳಿಗೆ ಸಣ್ಣ ಡಿಜಿಟಲ್ ಉಂಗುರವನ್ನು ಧರಿಸಿರುವುದು ಕಂಡುಬಂದಿತು. ಹಲವರು ಇದು ಸಾಮಾನ್ಯ ಉಂಗುರ ಎಂದು ಭಾವಿಸಿದ್ದರು, ಆದರೆ ನಿಜವಾದ ಕಥೆಯನ್ನು ತಿಳಿದ ಬಳಿಕ ಎಲ್ಲರೂ ಆಶ್ಚರ್ಯಚಕಿತರಾಗಿದ್ದಾರೆ.

ಯಾಕಂದ್ರೆ ಇದು ಡಿಜಿಟಲ್ ಟ್ಯಾಲಿ ಕೌಂಟರ್ ರಿಂಗ್ ಆಗಿತ್ತು. ನಮ್ಮ ಸಾಂಪ್ರದಾಯಿಕ ರೋಸರಿ ಮಣಿಗಳಂತೆಯೇ, ಈ ಆಧುನಿಕ ಎಲೆಕ್ಟ್ರಾನಿಕ್ ಸಾಧನವನ್ನು ಒಬ್ಬ ವ್ಯಕ್ತಿಯು ದೇವರ ಹೆಸರನ್ನು ಎಷ್ಟು ಬಾರಿ ಜಪಿಸುತ್ತಾನೆ ಅಥವಾ ಪ್ರಾರ್ಥಿಸುತ್ತಾನೆ ಎಂಬುದನ್ನು ಎಣಿಸಲು ಬಳಸಲಾಗುತ್ತದೆ.