ಬೆಲೆ ಏಕೆ ಏರುತ್ತಿದೆ?

ಲ್ಯಾಪ್‌ಟಾಪ್‌ನ ಪ್ರಮುಖ ಭಾಗಗಳಾದ DRAM (RAM) ಮತ್ತು NAND (SSD Storage) ಚಿಪ್‌ಗಳ ಬೆಲೆಗಳು ಜಾಗತಿಕ ಮಾರುಕಟ್ಟೆಯಲ್ಲಿ ತೀವ್ರವಾಗಿ ಏರಿಕೆಯಾಗುತ್ತಿವೆ.

*Gartner ಅಂದಾಜಿನ ಪ್ರಕಾರ,

2026ರ ಅಂತ್ಯದ ವೇಳೆಗೆ DRAM ಮತ್ತು SSD ಬೆಲೆಗಳು 130%ರವರೆಗೆ ಏರಬಹುದು. ಇದರಿಂದ 2025ಕ್ಕೆ ಹೋಲಿಸಿದರೆ PC ಮತ್ತು ಲ್ಯಾಪ್‌ಟಾಪ್ ಬೆಲೆಗಳು ಸುಮಾರು 17% ಹೆಚ್ಚಾಗುವ ಸಾಧ್ಯತೆ ಇದೆ. ಒಂದು ಲ್ಯಾಪ್‌ಟಾಪ್ ತಯಾರಿಕೆಯಲ್ಲಿ ಮೆಮೊರಿ ವೆಚ್ಚದ ಪಾಲು 16%ರಿಂದ 23%ಕ್ಕೆ ಏರಲಿದೆ. ಇದರಿಂದ ತಯಾರಕರು ಹೆಚ್ಚುವರಿ ವೆಚ್ಚವನ್ನು ಗ್ರಾಹಕರ ಮೇಲೆಯೇ ವರ್ಗಾಯಿಸುವ ಸಾಧ್ಯತೆ ಹೆಚ್ಚಿದೆ.

ಭಾರತದಲ್ಲೂ ಈಗಾಗಲೇ ಬೆಲೆ ಏರಿಕೆ

Counterpoint Research ಪ್ರಕಾರ, ಭಾರತದಲ್ಲಿ Commercial Laptopಗಳ ಬೆಲೆ ಈಗಾಗಲೇ 15%ರಿಂದ 20%ರವರೆಗೆ ಏರಿಕೆಯಾಗಿದೆ. ಇನ್ನು IDC India ವಿಶ್ಲೇಷಕರಾದ ನವಕೇಂದರ್ ಸಿಂಗ್ ಅವರ ಪ್ರಕಾರ, Dell, Lenovo ಮತ್ತು HP ಕಂಪನಿಗಳು ಹಲವು ತಿಂಗಳ ಹಿಂದೆಯೇ ತಮ್ಮ ಗ್ರಾಹಕರಿಗೆ ಬೆಲೆ ಇಳಿಕೆಯಾಗುವ ಸಾಧ್ಯತೆ ಕಡಿಮೆ ಎಂದು ಸೂಚಿಸಿದ್ದವು.

ಹಾಗಾದರೆ ಈಗ ಖರೀದಿಸಬೇಕಾ?

ಈಗಲೇ ಖರೀದಿಸುವುದು ಉತ್ತಮ,

1. ಒಂದು ವೇಳೆ ಹೊಸ ಉದ್ಯೋಗಕ್ಕೆ ಸೇರುತ್ತಿದ್ದರೆ.
2. ಕಾಲೇಜು ಅಥವಾ ವೃತ್ತಿಪರ ಅಧ್ಯಯನಕ್ಕಾಗಿ ಲ್ಯಾಪ್‌ಟಾಪ್ ಅಗತ್ಯವಿದ್ದರೆ.
3. ನಿಮ್ಮ ಪ್ರಸ್ತುತ ಲ್ಯಾಪ್‌ಟಾಪ್ ತುಂಬಾ ಹಳೆಯದಾಗಿದ್ದರೆ.
4. AI, Coding, Video Editing, Data Science ಮುಂತಾದ ಕೆಲಸಗಳಿಗೆ 16GB/32GB RAM ಅಥವಾ AI-ready ಲ್ಯಾಪ್‌ಟಾಪ್ ಬೇಕಿದ್ದರೆ.

ತಜ್ಞರ ಅಭಿಪ್ರಾಯದಂತೆ, ಇಂತಹ ಹೈ-ಪರ್ಫಾರ್ಮೆನ್ಸ್ ಮಾದರಿಗಳ ಬೆಲೆ ಮುಂದಿನ ತಿಂಗಳುಗಳಲ್ಲಿ ಇನ್ನಷ್ಟು ವೇಗವಾಗಿ ಏರಬಹುದು.

ಯಾವಾಗ ಕಾಯಬಹುದು?

ನಿಮ್ಮ ಪ್ರಸ್ತುತ ಲ್ಯಾಪ್‌ಟಾಪ್ ಇನ್ನೂ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದರೆ ಮತ್ತು ಕೇವಲ ಸಾಮಾನ್ಯ ಬಳಕೆಗಾಗಿ ಹೊಸ ಲ್ಯಾಪ್‌ಟಾಪ್ ಬೇಕಿದ್ದರೆ, ಕೆಲವು ತಿಂಗಳು ಕಾಯಬಹುದು. ಆದರೆ, ಬೆಲೆ ಮತ್ತಷ್ಟು ಏರಬಹುದು. ಕೆಲವು ಜನಪ್ರಿಯ ಮಾದರಿಗಳ ಸ್ಟಾಕ್ ಕಡಿಮೆಯಾಗಬಹುದು. ಹಳೆಯ ಸಾಧನ ಬಳಸುವುದರಿಂದ ಭದ್ರತಾ (Security) ಅಪಾಯಗಳು ಹೆಚ್ಚಾಗುವ ಸಾಧ್ಯತೆಯೂ ಇದೆ ಎಂದು Times Of India ವರದಿ ಮಾಡಿದೆ.

ಕಂಪನಿಗಳು ಏನು ಮಾಡುತ್ತಿವೆ?

ಬೆಲೆ ಏರಿಕೆಯಿಂದ ಅನೇಕ ಕಂಪನಿಗಳು ತಮ್ಮ ಖರೀದಿ ನೀತಿಯನ್ನು ಬದಲಾಯಿಸಿವೆ.

1. 4 ವರ್ಷಕ್ಕೊಮ್ಮೆ ಬದಲಾಯಿಸುತ್ತಿದ್ದ ಲ್ಯಾಪ್‌ಟಾಪ್‌ಗಳನ್ನು ಈಗ 5 ವರ್ಷಗಳವರೆಗೆ ಬಳಸಲಾಗುತ್ತಿದೆ.
2. AI ಡೆವಲಪರ್‌ಗಳು ಮತ್ತು ಹಿರಿಯ ಅಧಿಕಾರಿಗಳಿಗೆ ಮಾತ್ರ ಹೊಸ ಸಾಧನ ನೀಡಲಾಗುತ್ತಿದೆ.
3. ಉಳಿದ ಉದ್ಯೋಗಿಗಳ ಅಪ್‌ಗ್ರೇಡ್ ಅನ್ನು ಮುಂದೂಡಲಾಗುತ್ತಿದೆ.

ಖರೀದಿಸುವಾಗ ಗಮನಿಸಬೇಕಾದ ಅಂಶಗಳು

ಲ್ಯಾಪ್‌ಟಾಪ್ ಖರೀದಿಸುವಾಗ ಕೇವಲ ಬೆಲೆ ನೋಡಬೇಡಿ.

ಇದನ್ನೂ ಓದಿ: Govt Subsidy: ಉಜ್ವಲ ಯೋಜನೆ ಫಲಾನುಭವಿಗಳಿಗೆ ಭರ್ಜರಿ ಲಾಭ! ₹300 ನೇರ ಸಬ್ಸಿಡಿ ಮುಂದುವರಿಕೆ

ಮಾರುಕಟ್ಟೆ ವಿಶ್ಲೇಷಕರ ಅಭಿಪ್ರಾಯದ ಪ್ರಕಾರ, ಮುಂದಿನ 12ರಿಂದ 18 ತಿಂಗಳಲ್ಲಿ ಲ್ಯಾಪ್‌ಟಾಪ್ ಬೆಲೆಗಳು ಇಳಿಯುವ ಸಾಧ್ಯತೆ ಕಡಿಮೆ. ಮೆಮೊರಿ ಚಿಪ್‌ಗಳ ಬೆಲೆ ಏರಿಕೆ 2027–2028ರವರೆಗೂ ಮುಂದುವರಿಯಬಹುದು ಎನ್ನಲಾಗುತ್ತಿದೆ. ಹೀಗಾಗಿ, ಮುಂದಿನ 6–12 ತಿಂಗಳಲ್ಲಿ ಲ್ಯಾಪ್‌ಟಾಪ್ ಖರೀದಿಸುವ ಯೋಜನೆ ಇದ್ದರೆ ಈಗಲೇ ಖರೀದಿಸುವುದು ಹೆಚ್ಚು ಲಾಭದಾಯಕ. ಅನಗತ್ಯವಾಗಿ ಖರೀದಿಯನ್ನು ಮುಂದೂಡುವುದರಿಂದ ಮುಂದೆ ಹೆಚ್ಚು ಬೆಲೆ ಪಾವತಿಸಬೇಕಾದ ಪರಿಸ್ಥಿತಿ ಎದುರಾಗಬಹುದು.