ಪ್ರದರ್ಶನದ ನಂತರ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಮೋಹನ್‌ಲಾಲ್ ಸಂದೇಶವನ್ನು ಹಂಚಿಕೊಂಡಿದ್ದಾರೆ. ದೃಶ್ಯಂ 3 , ಅಪಾರ ಪ್ರೀತಿ ಮತ್ತು ಅಭಿಮಾನಿಗಳ ವಿಶ್ವಾಸದಿಂದ ನಿರ್ಮಿತವಾಯಿತು ಎಂದು ಮೋಹನ್ ಲಾಲ್ ಅವರು ತಿಳಿಸಿದ್ದಾರೆ . ಪ್ರೇಕ್ಷಕರು ಹಂಚಿಕೊಂಡ ವಿಮರ್ಶೆಗಳು, ಮಾತುಗಳು ಮತ್ತು ಭಾವನೆಗಳು ಯಾವುದೇ ಬಾಕ್ಸ್ ಆಫೀಸ್ ಸಂಖ್ಯೆಗಳಿಗಿಂತ ಹೆಚ್ಚು ಮೌಲ್ಯವುಳ್ಳವು. ಈ ಸಂದೇಶವು ಸಾಮಾಜಿಕ ಮಾಧ್ಯಮದಲ್ಲಿ ದೊಡ್ಡ ಮಟ್ಟದಲ್ಲಿ ವೈರಲ್ ಆಗಿ, ಅಭಿಮಾನಿಗಳು ಮತ್ತು ಚಲನಚಿತ್ರಪ್ರಿಯರು ಅದನ್ನು ಹಾರೈಸಿದರು.

ದೃಶ್ಯಂ 3 ಬಿಡುಗಡೆಯಾದ ಮೊದಲ ದಿನವೇ ಬಾಕ್ಸ್ ಆಫೀಸ್‌ನಲ್ಲಿ ದಾಖಲೆ ಸಾಧಿಸಿದೆ. ಮಲಯಾಳಂ ಭಾಷೆಯಲ್ಲೇ 3,503 ಸ್ಕ್ರೀನ್‌ಗಳಲ್ಲಿ ಸಿನಿಮಾ ಸುಮಾರು 13.70 ಕೋಟಿ ರೂ. ಗಳಿಸಿದ್ದು, ಅದೇ ದಿನ ತೆಲುಗಿನಲ್ಲಿ 1.50 ಕೋಟಿ ಹಾಗೂ ಕನ್ನಡದಲ್ಲಿ 20 ಲಕ್ಷ, ತಮಿಳಿನಲ್ಲಿ 45 ಲಕ್ಷ ಗಳಿಕೆ ಮಾಡಿದೆ. ಇದೇ ವೇಳೆ ವಿದೇಶಗಳಲ್ಲಿಯೂ ಸಿನಿಮಾ ಉತ್ತಮ ಪ್ರದರ್ಶನ ನೀಡುತ್ತಿದ್ದು, ಓವರ್ ಸೀಸ್ ನಿಂದ ಸಿಗುತ್ತಿರುವ ಕಲೆಕ್ಷನ್ ಒಟ್ಟು ವರಮಾನವನ್ನು ಹೆಚ್ಚಿಸಿದೆ. ಆರಂಭಿಕ ಅಂದಾಜಿನ ಪ್ರಕಾರ,ದೃಶ್ಯಂ 3 ವಿಶ್ವಾದ್ಯಂತ ಮೊದಲ ದಿನವೇ ಸುಮಾರು ₹43.37 ಕೋಟಿ ರೂ. ದಾಟಿದೆ. ಇದು ಫ್ರಾಂಚೈಸ್‌ನ ಬಲ ಹಾಗೂ ಅಭಿಮಾನಿ ವಲಯದ ವಿಸ್ತಾರವನ್ನು ಮತ್ತೊಮ್ಮೆ ಸಾಬೀತುಪಡಿಸಿದೆ.

ದೃಶ್ಯಂ ಸರಣಿಯ ಮೂರನೇ ಭಾಗ ಕೇವಲ ಒಂದು ಚಿತ್ರವಲ್ಲ, ಅದು ಒಂದು ಭಾವನಾತ್ಮಕ ಅನುಭವ. ಮೋಹನ್‌ಲಾಲ್ ಅವರ ಅಭಿನಯ, ನಿರ್ದೇಶಕ ಜೀತು ಜೋಸೆಫ್ ಅವರ ಕಥನ ನಿರೂಪಣೆ ಮತ್ತು ಕಥೆಯ ಆಳ ಎಲ್ಲವೂ ಸೇರಿ ಒಟ್ಟಾರೆ ಅತ್ಯುತ್ತಮ ಸಿನಿಮಾವನ್ನು ರೂಪಿಸಿವೆ.