Last Updated:
ಬೆಂಗಳೂರು ಆಟೋ ಚಾಲಕ ತನ್ನ ಆಟೋವನ್ನು ಮಿನಿ ಶಾಪಿಂಗ್ ಮಾಲ್ ಆಗಿ ರೂಪಿಸಿ ಆಭರಣ ಮಾರಾಟ ಆರಂಭಿಸಿದ್ದಾರೆ, ಫೋಟೋ ವಿಡಿಯೋ ವೈರಲ್, ನೆಟಿಜನ್ಗಳು ಇದನ್ನು Peak Bengaluru Moment ಎನ್ನುತ್ತಿದ್ದಾರೆ
ಬೆಂಗಳೂರು (Bengaluru) ಎಂದಾಕ್ಷಣ ನೆನಪಿಗೆ ಬರುವುದು ಟ್ರಾಫಿಕ್ (Traffic) ಜಾಮ್. ಆಟೋದಲ್ಲಿ (Auto) ಕುಳಿತು ಟ್ರಾಫಿಕ್ಗೆ ಬೈಯುತ್ತಾ ಸಮಯ ಕಳೆಯುವವರಿಗೆ ಇಲ್ಲಿದೆ ಒಂದು ಅಚ್ಚರಿಯ ಸುದ್ದಿ. ಇನ್ಮುಂದೆ ನೀವು ಟ್ರಾಫಿಕ್ನಲ್ಲಿ ಸಿಲುಕಿದರೂ ಬೇಸರಪಡುವಂತಿಲ್ಲ. ಯಾಕೆಂದರೆ, ನಮ್ಮ ಬೆಂಗಳೂರಿನ ಆಟೋವೊಂದು ಈಗ ಚಲಿಸುವ ಮಿನಿ ಶಾಪಿಂಗ್ ಮಾಲ್ (Shopping Mall) ಆಗಿ ಬದಲಾಗಿದೆ.
ಏನಿದು ಹೊಸ ಐಡಿಯಾ?
ಬೆಂಗಳೂರಿನ ಓರ್ವ ಸೃಜನಶೀಲ ಆಟೋ ಚಾಲಕ, ತನ್ನ ಆಟೋವನ್ನು ಕೇವಲ ಸಾರಿಗೆ ಮಾಧ್ಯಮವನ್ನಾಗಿ ಮಾತ್ರವಲ್ಲದೆ, ಒಂದು ಸುಂದರವಾದ ಆಭರಣಗಳ ಅಂಗಡಿಯನ್ನಾಗಿ ಪರಿವರ್ತಿಸಿದ್ದಾರೆ. ಆಟೋದ ಒಳಭಾಗದಲ್ಲಿ ಆಕರ್ಷಕವಾದ ಡಿಸ್ಪ್ಲೇ ಬಾಕ್ಸ್ಗಳನ್ನು ಅಳವಡಿಸಿದ್ದು, ಅದರಲ್ಲಿ ಕಿವಿಯೋಲೆಗಳು, ಬಳೆಗಳು, ಸರಪಳಿಗಳು ಸೇರಿದಂತೆ ವಿವಿಧ ಬಗೆಯ ಫ್ಯಾಷನ್ ಪರಿಕರಗಳನ್ನು ಜೋಡಿಸಿದ್ದಾರೆ ಎಂದು curlytales.com ವೆಬ್ಸೈಟ್ ವರದಿ ಮಾಡಿದೆ.
ಪ್ರಯಾಣಿಕರ ಫುಲ್ ಖುಷ್
ನೀವು ನಿಮ್ಮ ಸ್ಥಳ ತಲುಪುವಷ್ಟರಲ್ಲಿ ನಿಮ್ಮ ನೆಚ್ಚಿನ ಆಭರಣಗಳನ್ನು ಆರಾಮವಾಗಿ ಬ್ರೌಸ್ ಮಾಡಬಹುದು, ಇಷ್ಟವಾದರೆ ಖರೀದಿಸಬಹುದು. ಟ್ರಾಫಿಕ್ ಜಾಮ್ನಲ್ಲಿ ಸಮಯ ವ್ಯರ್ಥವಾಗುತ್ತಿದೆ ಎಂದು ಹತಾಶರಾಗುವ ಪ್ರಯಾಣಿಕರಿಗೆ, ಈ ಆಟೋ ಚಾಲಕನ ಐಡಿಯಾ ನಿಜಕ್ಕೂ ಒಂದು ವರದಾನ. ಸವಾರಿಯ ಮಧ್ಯೆಯೇ ಶಾಪಿಂಗ್ ಮಾಡುವ ಈ ವಿಶಿಷ್ಟ ಅನುಭವ, ಪ್ರಯಾಣಿಕರ ಮುಖದಲ್ಲಿ ನಗು ಮೂಡಿಸಿದೆ.
ಬೆಂಗಳೂರಿನ ಉತ್ತುಂಗದ ಕ್ಷಣ
ಈ ಆಟೋದ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನೆಟಿಜನ್ಗಳು ಇದನ್ನು Peak Bengaluru Moment ಎಂದು ಕರೆದಿದ್ದಾರೆ. ತಂತ್ರಜ್ಞಾನದ ನವೋದ್ಯಮಗಳ ಜೊತೆಗೆ ಇಂತಹ ಸೃಜನಶೀಲ ಸಣ್ಣ ವ್ಯವಹಾರ ಕಲ್ಪನೆಗಳು ನಮ್ಮ ನಗರವನ್ನು ನಿಜಕ್ಕೂ ವಿಶೇಷವಾಗಿಸಿವೆ. ಯಾರೂ ಯೋಚಿಸದ ರೀತಿಯಲ್ಲಿ ವ್ಯವಹಾರ ಮಾಡಬಹುದು ಎಂಬುದಕ್ಕೆ ಈ ಚಾಲಕನೇ ನಿದರ್ಶನ.
Location :
Bangalore [Bangalore],Bangalore,Karnataka
