Last Updated:
ಟಿ20 ಕ್ರಿಕೆಟ್ ಬಂದ ಮೇಲೆ ಬ್ಯಾಟರ್ಗಳು ಲಾಂಗ್ ಸಿಕ್ಸರ್ಗಳನ್ನು ಬಾರಿಸುವ ಮೂಲಕ ಎಲ್ಲರ ಚಿತ್ತ ಕದ್ದಿದ್ದಾರೆ. ಆದರೆ, ಕ್ರಿಕೆಟ್ ಇತಿಹಾಸದಲ್ಲೇ ಅತಿ ಚಿಕ್ಕ ಸಿಕ್ಸರ್ ಯಾವುದು ಗೊತ್ತಾ? ಕೇವಲ 3 ಮೀಟರ್ಗಳಲ್ಲಿ ಬಂದ ಸಿಕ್ಸ್ ರನ್ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ ಓದಿ.
ಸೀಮಿತ ಓವರ್ಗಳ (Over) ಸ್ವರೂಪದಲ್ಲಿ ವಿಶ್ವ ಕ್ರಿಕೆಟ್ (Cricket) ನ ಪ್ರಸ್ತುತ ಸ್ಥಿತಿಯನ್ನು ನೋಡಿದರೆ, ಬಹುತೇಕ ಎಲ್ಲಾ ತಂಡಗಳು (Teams) ತಮ್ಮ ಆಕ್ರಮಣಕಾರಿ ಬ್ಯಾಟಿಂಗ್ನಿಂದ ಪಂದ್ಯಗಳನ್ನು ಗೆಲ್ಲುತ್ತಿವೆ. ಈ ತಂಡಗಳ ಕೆಲವೇ ಎಸೆತಗಳಲ್ಲಿ ಪಂದ್ಯದ ದಿಕ್ಕನ್ನೇ ಬದಲಾಯಿಸುವ ಬ್ಯಾಟರ್ಗಳನ್ನು ಹೊಂದಿವೆ. ಅಂತಹ ಆಟಗಾರರು (Players) ಸಲೀಸಾಗಿ ಚೆಂಡನ್ನು ಸ್ಟ್ಯಾಂಡ್ಗೆ ಕಳುಹಿಸುವುದನ್ನು ಕಾಣಬಹುದು. ಇದರಿಂದಾಗಿ ಬೌಲರ್ಗಳು (Bowlers) ಅವರನ್ನು ತಡೆಯಲು ಕಷ್ಟವಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ ಸಿಕ್ಸರ್ಗಳ (Sixers) ದೂರದ ಬಗ್ಗೆ ಸಾಕಷ್ಟು ಚರ್ಚೆ ನಡೆಯುತ್ತಿದೆ. 100 ಮೀಟರ್ಗಳಿಗಿಂತ ಉದ್ದದ ಸಿಕ್ಸರ್ಗಳಿಗಾಗಿ ಅಭಿಮಾನಿಗಳು ಕಾಯುತ್ತಿರುತ್ತಾರೆ. ಆದರೆ, ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯಂತ ಚಿಕ್ಕ ಸಿಕ್ಸರ್ ಎಲ್ಲರ ಗಮನ ಸೆಳೆದಿದೆ.
ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತ್ಯಂತ ಕಡಿಮೆ ಸಿಕ್ಸರ್ ಬಗ್ಗೆ ನೋಡುವುದಾರೆ, ಚೆಂಡು ಕೇವಲ ಮೂರು ಮೀಟರ್ ದೂರ ಕ್ರಮಿಸಿತು. ಈ ಮೂಲಕ ಬ್ಯಾಟರ್ ಒಟ್ಟು 6 ರನ್ ಗಳಿಸಿದರು. ಈ ಘಟನೆ 2001 ರಲ್ಲಿ ಕೊಲಂಬೊ ಮೈದಾನದಲ್ಲಿ ಪಾಕಿಸ್ತಾನ ಮತ್ತು ಶ್ರೀಲಂಕಾ ನಡುವೆ ನಡೆದ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಪಂದ್ಯದಲ್ಲಿ ನಡೆಯಿತು.
ಪಂದ್ಯದಲ್ಲಿ, ಪಾಕಿಸ್ತಾನ ಮೊದಲು ಬ್ಯಾಟಿಂಗ್ ಮಾಡುತ್ತಿತ್ತು. ಶ್ರೀಲಂಕಾ ಬೌಲಿಂಗ್ ದಾಳಿಗೆ ಪಾಕಿಸ್ತಾನ 25 ಓವರ್ಗಳಲ್ಲಿ 4 ವಿಕೆಟ್ಗಳ ನಷ್ಟಕ್ಕೆ 94 ರನ್ ಗಳಿಸಿತ್ತು. ಶ್ರೀಲಂಕಾದ ಉಪುಲ್ ಚಂದನ ಎಸೆದ ಇನ್ನಿಂಗ್ಸ್ನ 26ನೇ ಓವರ್ನ ಮೊದಲ ಎಸೆತದಲ್ಲಿ ರಶೀದ್ ಲತೀಫ್ ಸ್ವೀಪ್ ಶಾಟ್ ಆಡಲು ಪ್ರಯತ್ನಿಸಿದರು. ಆದರೆ ಚೆಂಡು ಅವರ ಬ್ಯಾಟ್ನ ಮೇಲ್ಭಾಗಕ್ಕೆ ತಗುಲಿ ವಿಕೆಟ್ ಕೀಪರ್ ತಲೆಯ ಮೇಲೆ ಹೋಗಿ ನೇರವಾಗಿ ಅವರ ಹೆಲ್ಮೆಟ್ಗೆ ಬಡಿಯಿತು.
ಕ್ರಿಕೆಟ್ನಲ್ಲಿ ವಿಕೆಟ್ಕೀಪರ್ಗಳು ಸಾಮಾನ್ಯವಾಗಿ ತಮ್ಮ ಹೆಲ್ಮೆಟ್ಗಳನ್ನು ವಿಕೆಟ್ನ ಹಿಂದೆ ಇಡುತ್ತಾರೆ. ಅಲ್ಲಿ ಚೆಂಡು ಬೀಳುವ ಸಾಧ್ಯತೆ ಕಡಿಮೆ. ಇದರ ಹೊರತಾಗಿಯೂ, ಐಸಿಸಿಯ ನಿಯಮಗಳ ಪ್ರಕಾರ, ಚೆಂಡು ಮೈದಾನದಲ್ಲಿ ಹೆಲ್ಮೆಟ್ಗೆ ತಗುಲಿದರೆ, ಬ್ಯಾಟಿಂಗ್ ತಂಡಕ್ಕೆ ಐದು ರನ್ಗಳನ್ನು ನೀಡಲಾಗುತ್ತದೆ. ಇದು ಈ ಪಂದ್ಯದಲ್ಲಿ ಪಾಕಿಸ್ತಾನ ತಂಡಕ್ಕೆ ಪ್ರಯೋಜನವನ್ನು ನೀಡಿತು. ಆದಾಗ್ಯೂ, ಶ್ರೀಲಂಕಾ ತಂಡವು ನಂತರ ಪಂದ್ಯವನ್ನು ಎಂಟು ವಿಕೆಟ್ಗಳಿಂದ ಗೆದ್ದಿತು.
