Last Updated:
ಭಾರತೀಯ ಅಂಚೆ ಇಲಾಖೆ ವಿದ್ಯಾರ್ಥಿಗಳಿಗೆ ಸ್ಪೀಡ್ ಪೋಸ್ಟ್ ಮತ್ತು ಕೊರಿಯರ್ ಮೇಲೆ ಶೇ.10 ರಿಯಾಯಿತಿ ಘೋಷಿಸಿದೆ, ವಿದ್ಯಾರ್ಥಿ ಐಡಿ ತೋರಿಸಿದರೆ ಸಿಗಲಿದೆ, ಡಾಕ್ ಅಪ್ಲಿಕೇಶನ್ ಮೂಲಕ ಮನೆಯಿಂದಲೇ ಸೇವೆ ಲಭ್ಯ
ಧಾರವಾಡ: ಪ್ರತಿ ವರ್ಷ ಲಕ್ಷಾಂತರ ವಿದ್ಯಾರ್ಥಿಗಳು (Students) ತಮ್ಮ ಪುಸ್ತಕಗಳು, ದಾಖಲಾತಿಗಳು ಮತ್ತು ಪಾರ್ಸೆಲ್ಗಳನ್ನು ಕಳುಹಿಸಲು ಕೊರಿಯರ್ ಸಂಸ್ಥೆಗಳಿಗೆ ಹೆಚ್ಚಿನ ಹಣ ಖರ್ಚು ಮಾಡುತ್ತಾರೆ. ಆದರೆ ಭಾರತೀಯ ಅಂಚೆ ಇಲಾಖೆ (India Post) ಈಗ ವಿದ್ಯಾರ್ಥಿಗಳಿಗಾಗಿ ಒಂದು ವಿಶೇಷ ಯೋಜನೆ (Special Scheme) ಜಾರಿಗೆ ತಂದಿದ್ದು, ಸ್ಪೀಡ್ ಪೋಸ್ಟ್ ಮತ್ತು ಕೊರಿಯರ್ ಸೇವೆಯಲ್ಲಿ ಬರೋಬ್ಬರಿ ಶೇ.10 ರಿಯಾಯಿತಿ (Discount) ನೀಡಲಾಗುತ್ತಿದೆ.
ಹುಬ್ಬಳ್ಳಿಯ ಉತ್ತರ ಕರ್ನಾಟಕ ಅಂಚೆ ವಲಯ ನಿರ್ದೇಶಕ ಶ್ರೀ ಹರ್ಷ ಅವರು ಈ ಯೋಜನೆ ಬಗ್ಗೆ ಮಾಹಿತಿ ನೀಡುತ್ತಾ, ವಿದ್ಯಾರ್ಥಿಗಳ ಪಾರ್ಸೆಲ್ ರಿಯಾಯಿತಿ ಯೋಜನೆಯಡಿ ನಿಗದಿತ ದರಕ್ಕಿಂತ ಶೇ.10 ರಷ್ಟು ಕಡಿಮೆ ಶುಲ್ಕದಲ್ಲಿ ಸ್ಪೀಡ್ ಪೋಸ್ಟ್ ಮಾಡಬಹುದೆಂದು ಸ್ಪಷ್ಟಪಡಿಸಿದ್ದಾರೆ.
ಈ ಸೌಲಭ್ಯ ಪಡೆಯಲು ವಿದ್ಯಾರ್ಥಿಗಳು ಮಾಡಬೇಕಾದ್ದು ಒಂದೇ ಒಂದು ಕೆಲಸ, ಹತ್ತಿರದ ಅಂಚೆ ಕಚೇರಿಗೆ ಹೋಗಿ ತಮ್ಮ ವಿದ್ಯಾರ್ಥಿ ಗುರುತಿನ ಚೀಟಿ ತೋರಿಸಿದರೆ ಸಾಕು. ಅಷ್ಟೇ! ರಿಯಾಯಿತಿ ತಕ್ಷಣ ಸಿಗುತ್ತದೆ. ಕೊರಿಯರ್ನಲ್ಲಿ ಪ್ರತ್ಯೇಕ ಚಾರ್ಟ್ ಇದ್ದು, ಕಳುಹಿಸಿದ ವಸ್ತುಗಳನ್ನು ವಿಳಾಸದಾರರಿಗೆ ಅಥವಾ ಅವರಿಂದ ಅಧಿಕೃತಗೊಳಿಸಿದ ವ್ಯಕ್ತಿಗೆ ಮಾತ್ರ ಪ್ರತ್ಯೇಕವಾಗಿ ತಲುಪಿಸಲಾಗುತ್ತದೆ.
ಇನ್ನೂ ಮಹತ್ವದ ಸಂಗತಿ ಎಂದರೆ ಭಾರತೀಯ ಅಂಚೆ ಇಲಾಖೆ ನಾಗರಿಕರಿಗಾಗಿಯೇ ವಿಶೇಷ ಡಾಕ್ ಅಪ್ಲಿಕೇಶನ್ ಬಿಡುಗಡೆ ಮಾಡಿದ್ದು, ಇನ್ನು ಅಂಚೆ ಕಚೇರಿಗೆ ಹೋಗಲೇ ಬೇಕಾಗಿಲ್ಲ. ಮನೆಯಲ್ಲಿ ಕುಳಿತೇ ಸ್ಪೀಡ್ ಪೋಸ್ಟ್ ಬುಕ್ ಮಾಡಬಹುದು, ಮನಿ ಆರ್ಡರ್ ಮಾಡಬಹುದು, ಪಾರ್ಸೆಲ್ ಟ್ರ್ಯಾಕ್ ಮಾಡಬಹುದು, ಮತ್ತು ಉಳಿತಾಯ ಖಾತೆ ವಿವರಗಳನ್ನೂ ನೋಡಬಹುದು. ಈ ಅಪ್ಲಿಕೇಶನ್ 23 ಭಾಷೆಗಳಲ್ಲಿ ಲಭ್ಯವಿದ್ದು ಈಗಾಗಲೇ ಬಳಸುತ್ತಿರುವ ನಾಗರಿಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಖಾಸಗಿ ಕೊರಿಯರ್ ಸಂಸ್ಥೆಗಳಿಗೆ ಟಕ್ಕರ್!
Hubli-Dharwad (Hubli),Dharwad,Karnataka
