ಕನ್ನಡ, ತೆಲುಗು, ತಮಿಳು, ಮಲಯಾಳಂ, ಹಿಂದಿ ಸೇರಿದಂತೆ ಹಲವು ಭಾರತೀಯ ಭಾಷೆಗಳಲ್ಲಿ ಎಸ್. ಜಾನಕಿ ಸಾವಿರಾರು ಹಾಡುಗಳನ್ನು ಹಾಡಿದ್ದಾರೆ. ಪ್ರೇಮಗೀತೆ, ಭಕ್ತಿಗೀತೆ, ಜಾನಪದ, ದುಃಖಗೀತೆ, ಮಕ್ಕಳ ಹಾಡು ಅಥವಾ ಭಾವನಾತ್ಮಕ ಗೀತೆ ಯಾವುದೇ ಆಗಿರಲಿ, ಪ್ರತಿಯೊಂದು ಹಾಡಿಗೂ ತಮ್ಮ ಕಂಠದ ಮೂಲಕ ಜೀವ ತುಂಬುವ ಅಪರೂಪದ ಸಾಮರ್ಥ್ಯ ಅವರದ್ದಾಗಿತ್ತು.

ನಂಬಿದ ಒಲವು ನೀಡಿದ ಮೊದಲ ನೋವಿಗೆ, ಹೃದಯ ನಡುಗಿದೆ, ಪ್ರೀತಿಯ ಸಲುಗೆ ಮೀರಿದ ಅಲೆವ ಮೊಜಿಗೆ ಮನವೆ ಕದಡಿದೆ ಎಂಬ ಸಾಲುಗಳಿಂದ ಆರಂಭವಾಗುವ ಈ ಭಾವನಾತ್ಮಕ ಗೀತೆಯನ್ನು ಮಂಗಳೂರಿನ ಡಾ. ಉಮೇಶ್ ಪಿಲೆಕೂಡೇಲು ರಚಿಸಿದ್ದು, ‘ಚಿರು’ ಚಿತ್ರದ ಖ್ಯಾತಿಯ ಗಿರಿಧರ್ ದಿವಾನ್ ಸಂಗೀತ ಸಂಯೋಜಿಸಿದ್ದರು.

‘ಪಲ್ಲಕ್ಕಿ 2’ ಸಿನಿಮಾ, 2007ರಲ್ಲಿ ಬಿಡುಗಡೆಯಾಗಿ ಯಶಸ್ಸು ಕಂಡ ‘ಪಲ್ಲಕ್ಕಿ’ ಚಿತ್ರದ ಮುಂದುವರಿದ ಭಾಗವಾಗಿದೆ. ಈ ಚಿತ್ರದ ನಿರ್ದೇಶಕರಾಗಿರುವ ಕೆ. ನರೇಂದ್ರ ಬಾಬು, ಎಸ್. ಜಾನಕಿ ಅವರಿಂದ ವಿಶೇಷ ಹಾಡೊಂದನ್ನು ಹಾಡಿಸಿರುವುದು ಚಿತ್ರದ ಪ್ರಮುಖ ಆಕರ್ಷಣೆಯಾಗಿದೆ.

ಜಿ.ಕೆ. ವೆಂಕಟೇಶ್, ರಾಜನ್-ನಾಗೇಂದ್ರ, ವಿಜಯಭಾಸ್ಕರ್, ಉಪೇಂದ್ರ ಕುಮಾರ್ ಹಾಗೂ ಹಂಸಲೇಖ ಸೇರಿದಂತೆ ಅನೇಕ ದಿಗ್ಗಜ ಸಂಗೀತ ನಿರ್ದೇಶಕರೊಂದಿಗೆ ಕೆಲಸ ಮಾಡಿದ ಅವರು ಕನ್ನಡಕ್ಕೆ ಅನೇಕ ಸದಾಬಹಾರ ಸೂಪರ್ ಹಿಟ್ ಹಾಡುಗಳನ್ನು ನೀಡಿದ್ದಾರೆ. ಅವರ ಧ್ವನಿಯಲ್ಲಿ ಮೂಡಿಬಂದ ಅನೇಕ ಹಾಡುಗಳು ಇಂದಿಗೂ ಸಂಗೀತಾಭಿಮಾನಿಗಳ ಮೆಚ್ಚಿನ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ.

ಹಲವಾರು ದಶಕಗಳ ಕಾಲ ಭಾರತೀಯ ಚಿತ್ರಸಂಗೀತವನ್ನು ತಮ್ಮ ಧ್ವನಿಯಿಂದ ಶ್ರೀಮಂತಗೊಳಿಸಿರುವ ಎಸ್. ಜಾನಕಿ ಅವರು ಕೇವಲ ಹಿನ್ನೆಲೆ ಗಾಯಕಿಯಲ್ಲ, ಸಂಗೀತ ಲೋಕದ ಅಮೂಲ್ಯ ಆಸ್ತಿಯಾಗಿದ್ದಾರೆ. ಅವರ ಹಾಡುಗಳು ಇಂದಿಗೂ ಹೊಸ ತಲೆಮಾರಿನ ಸಂಗೀತಾಸಕ್ತರ ಮನಸ್ಸನ್ನು ಸೆಳೆಯುತ್ತಿವೆ.