Bengaluru
oi-Punith BU
ಬೆಂಗಳೂರು, ಜುಲೈ 19: ನಮ್ಮ ಮೆಟ್ರೋ ನೇರಳೆ ಮಾರ್ಗದ ಬೈಯಪ್ಪನಹಳ್ಳಿ-ಕೆಆರ್ ಪುರ ಮತ್ತು ಕೆಂಗೇರಿ-ಚೆಲ್ಲಘಟ್ಟ ಭಾಗಗಳಲ್ಲಿ 33 ಕೆವಿ ಕೇಬಲ್ಗಳು ಮತ್ತು 750 ವಿ ಡಿಸಿ ಮೂರನೇ ರೈಲಿಗೆ ಪರೀಕ್ಷಾರ್ಥ ಚಾರ್ಜಿಂಗ್ ಅನ್ನು ಪ್ರಾರಂಭಿಸಿದೆ.
ಆಗಸ್ಟ್ ಅಂತ್ಯದ ವೇಳೆಗೆ 2.1-ಕಿಮೀ ಕೆಆರ್ ಪುರ-ವೈಟ್ಫೀಲ್ಡ್ ಮತ್ತು 1.9-ಕಿಮೀ ಕೆಂಗೇರಿ-ಚಲ್ಲಘಟ್ಟ ಮಾರ್ಗಗಳನ್ನು ಕಾರ್ಯಾರಂಭ ಮಾಡುವ ನಿಟ್ಟಿನಲ್ಲಿ ಇದು ಮೊದಲ ಹಂತಗಳಲ್ಲಿ ಒಂದಾಗಿದೆ.
ಸ್ಟ್ಯಾಂಡರ್ಡ್ ಆಪರೇಟಿಂಗ್ ಕಾರ್ಯವಿಧಾನದ ಭಾಗವಾಗಿ ಬೆಂಗಳೂರು ಮೆಟ್ರೊ ರೈಲು ಕಾರ್ಪೊರೇಷನ್ ಲಿಮಿಟೆಡ್ (BMRCL) ಅನುಮತಿಯಿಲ್ಲದೆ ಈ ಪ್ರದೇಶಗಳಲ್ಲಿನ ವಾಯಡಕ್ಟ್ ಅನ್ನು ಪ್ರವೇಶಿಸದಂತೆ ನಾಗರಿಕರಿಗೆ ಸಾರ್ವಜನಿಕ ಸೂಚನೆಯನ್ನು ನೀಡಿದೆ. 750 V ಮೂರನೇ ರೈಲು ಅಥವಾ 33 kV ಕೇಬಲ್ಗಳ ಬಳಿಗೆ ಬರುವುದು ಅಪಾಯಕಾರಿಯಾಗಿದೆ ಎಂದು ಅದು ಹೇಳಿದೆ.
ಬಿಎಂಆರ್ಸಿಎಲ್ನ ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಬಿ ಎಲ್ ಯಶವಂತ ಚವಾಣ್, ಎಲ್ಲಾ ವಿದ್ಯುತ್ ವ್ಯವಸ್ಥೆಗಳನ್ನು ಪರಿಶೀಲಿಸುವಲ್ಲಿ ಪರೀಕ್ಷಾ- ಚಾರ್ಜ್ ಮಾಡುವುದು ಮೊದಲ ಹಂತವಾಗಿದೆ. ಇದರ ನಂತರ ಸ್ಟ್ಯಾಟಿಕ್ ಮತ್ತು ಡೈನಾಮಿಕ್ ಪರೀಕ್ಷೆಗಳು ನಡೆಯುತ್ತವೆ. ಮುಂದಿನ ಹಂತವು ಸೇವಾ ಪ್ರಯೋಗಗಳನ್ನು ನಡೆಸುವುದನ್ನು ಒಳಗೊಂಡಿರುತ್ತದೆ. ಇದು ವಾಣಿಜ್ಯ ಕಾರ್ಯಾಚರಣೆಗಳ ಸಮಯದಲ್ಲಿ ರೈಲುಗಳನ್ನು ಟ್ರ್ಯಾಕ್ನಲ್ಲಿ ಓಡಿಸುವುದಕ್ಕೆ ಅನುವಾಗುತ್ತದೆ ಎಂದರು.
ಕೊನೆಯ ಹಂತದಲ್ಲಿ ಮೆಟ್ರೋ ರೈಲ್ವೆ ಸುರಕ್ಷತಾ ಆಯುಕ್ತರು (ಸಿಎಂಆರ್ಎಸ್) ಎರಡೂ ಮಾರ್ಗಗಳನ್ನು ಪರಿಶೀಲಿಸುತ್ತಾರೆ. ಸಿಎಂಆರ್ಎಸ್ ಪರಿಶೀಲನೆಗೆ ಹೆಚ್ಚೆಂದರೆ ಒಂದು ಅಥವಾ ಎರಡು ದಿನ ಮಾತ್ರ ಬೇಕಾಗುತ್ತದೆ. ಸಿಎಂಆರ್ಎಸ್ ಅನುಮತಿ ನೀಡಿದ ನಂತರ ಎರಡೂ ಮಾರ್ಗಗಳು ಆಗಸ್ಟ್ ಅಂತ್ಯದ ವೇಳೆಗೆ ವಾಣಿಜ್ಯ ಕಾರ್ಯಾಚರಣೆಗೆ ಸಿದ್ಧವಾಗಲಿದೆ ಎಂದು ಅವರು ಹೇಳಿದರು.
ಬೆಂಗಳೂರಿನ ಬಹುನಿರೀಕ್ಷಿತ ಬೈಯಪ್ಪನಹಳ್ಳಿ-ಕೃಷ್ಣರಾಜಪುರಂ ನೇರಳೆ ಮಾರ್ಗದಲ್ಲಿ ಮೆಟ್ರೋ ಪ್ರಾಯೋಗಿಕ ಚಾಲನೆ ಆಗಸ್ಟ್ 22 ರಂದು ಪ್ರಾರಂಭವಾಗಲಿದೆ. ಟೆಕ್ ಹಬ್ ಆದ ಬೆಂಗಳೂರಿನಲ್ಲಿ ಸಾರ್ವಜನಿಕ ಸಾರಿಗೆ ಸುಲಭಗೊಳಿಸಲು, ಟ್ರಾಫಿಕ್ ನಿಯಂತ್ರಣ, ಸಂಪರ್ಕ ಸಾಧ್ಯತೆ ಹೆಚ್ಚಿಸುವ ನಿರೀಕ್ಷೆಯಿರುವ ನಮ್ಮ ಮೆಟ್ರೋದ ನೇರಳೆ ಮಾರ್ಗವು ಆಗಸ್ಟ್ ಅಂತ್ಯದ ವೇಳೆಗೆ ಸಂಪೂರ್ಣವಾಗಿ ಕಾರ್ಯಾರಂಭ ಮಾಡಲಿದೆ ಎಂದು ತಿಳಿದು ಬಂದಿದೆ.
ವರದಿಯ ಪ್ರಕಾರ, ಬೆಂಗಳೂರು ಮೆಟ್ರೋ ರೈಲು ಕಾರ್ಪೊರೇಷನ್ ಲಿಮಿಟೆಡ್ (BMRCL) ಅದೇ ದಿನ ಕೆಂಗೇರಿ-ಚಲ್ಲಘಟ್ಟ ಮಾರ್ಗದ ಟ್ರಯಲ್ ರನ್ಗೆ ಸಜ್ಜಾಗಿದೆ. ಬೈಯಪ್ಪನಹಳ್ಳಿ- ಕೃಷ್ಣರಾಜಪುರ ಮತ್ತು ಕೆಂಗೇರಿ-ಚಲ್ಲಘಟ್ಟ ಮಾರ್ಗಗಳನ್ನು ಆಗಸ್ಟ್ ಅಂತ್ಯದೊಳಗೆ ಉದ್ಘಾಟಿಸುವ ಯೋಜನೆ ಇದೆ. ಆಗಸ್ಟ್ 22 ರಂದು ನೇರಳೆ ಮಾರ್ಗದ ಎರಡೂ ಸ್ಟ್ರೆಚ್ಗಳಲ್ಲಿ ಟ್ರಯಲ್ ರನ್ಗಳು ಪ್ರಾರಂಭವಾಗಲಿವೆ ಎಂದು ಬಿಎಂಆರ್ಸಿಎಲ್ ಎಂಡಿ ಅಂಜುಮ್ ಪರ್ವೇಜ್ ತಿಳಿಸಿದ್ದಾರೆ.
ಈ ಮಾರ್ಗದಲ್ಲಿ ಆರು ಕೋಚ್ ಮೆಟ್ರೋ ರೈಲುಗಳೊಂದಿಗೆ ಟ್ರಯಲ್ ರನ್ ನಡೆಸಲಾಗುವುದು, ನಂತರ ಬೆನ್ನಗಾನಹಳ್ಳಿಯ ಭಾರತೀಯ ರೈಲ್ವೇಸ್ ಟ್ರ್ಯಾಕ್ನ ಮೇಲ್ಭಾಗದಲ್ಲಿ ಸ್ಥಾಪಿಸಲಾದ ಓಪನ್ ವೆಬ್ ಗ್ರೈಂಡರ್ (OWG) ನ ಲೋಡ್ ಪರೀಕ್ಷೆಯನ್ನು ನಡೆಸಲಾಗುತ್ತದೆ. ಸಿಎಂಆರ್ಎಸ್ (ಮೆಟ್ರೊ ರೈಲು ಸುರಕ್ಷತೆಯ ಕಮಿಷನರ್) ನಂತರ ಮಾರ್ಗವನ್ನು ಪರಿಶೀಲಿಸಿ ಉದ್ಘಾಟನೆಗೆ ಅನುಮೋದನೆ ನೀಡುತ್ತದೆ ಎಂದು ಅವರು ಹೇಳಿದ್ದಾರೆ.
English summary
Namma Metro has started trial charging of 33 KV cables and 750 VDC third train on Baiyappanahalli-KR Pura and Kengeri-Chellaghatta sections of purple line.