ಐಪಿಎಲ್ 2025ರ ಪಂದ್ಯಾವಳಿಯು ದಿನದಿಂದ ದಿನಕ್ಕೆ ರೋಚಕವಾಗುತ್ತಿದೆ. ಈಗಾಗಲೇ 3 ತಂಡಗಳು ಪ್ಲೇಆಫ್‌ ಸ್ಥಾನ ಭದ್ರಪಡಿಸಿದೆ. ಇನ್ನೊಂದು ತಂಡವಷ್ಟೇ ಅಂತಿಮವಾಗಬೇಕಿದೆ. ಹೀಗಾಗಿ ಮೇ 21ರ ಬುಧವಾರ ಐಪಿಎಲ್ 18ನೇ ಆವೃತ್ತಿಯಲ್ಲಿ ವಿಶೇಷ ದಿನವಾಗಲಿದೆ. ಏಕೆಂದರೆ, ಬಹುತೇಕ ಈ ಪಂದ್ಯವು ಪ್ಲೇಆಫ್‌ಗೆ ಹೋಗುವ ನಾಲ್ಕನೇ ತಂಡವನ್ನು ಅಂತಿಮಗೊಳಿಸುವ ಸಾಧ್ಯತೆ ಇದೆ. ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವೆ ಪಂದ್ಯ ನಡೆಯಲಿದ್ದು, ಎರಡೂ ತಂಡಗಳಿಗೆ ನಿರ್ಣಾಯಕ ಎನಿಸಿದೆ. ಪಂದ್ಯಕ್ಕೆ ಸಂಬಂಧಿಸಿದಂತೆ 10 ಪ್ರಮುಖ ಅಂಶಗಳನ್ನು ನೋಡೋಣ.