Last Updated:
ಬೆನ್ ಕರನ್ ಅವರ ತಂದೆ ಕೆವಿನ್ ಜಿಂಬಾಬ್ವೆ ಪರವೇ ಆಡಿದ್ದರು. ಅವರ ಅಂತರರಾಷ್ಟ್ರೀಯ ವೃತ್ತಿಜೀವನದಲ್ಲಿ 11 ಏಕದಿನ ಪಂದ್ಯಗಳನ್ನು ಒಳಗೊಂಡಿದೆ. ನಿವೃತ್ತಿಯ ನಂತರ ಕೆವಿನ್ ಕರನ್ ಜಿಂಬಾಬ್ವೆಯಿಂದ ಇಂಗ್ಲೆಂಡ್ಗೆ ಸ್ಥಳಾಂತರಗೊಂಡರು.
ಇಂಗ್ಲೆಂಡ್ ತಂಡದ ಸ್ಯಾಮ್ ಕರನ್ ಮತ್ತು ಟಾಮ್ ಕರನ್ (Sam and Tom Curran) ಅವರ ಸಹೋದರ ಜಿಂಬಾಬ್ವೆ ದೇಶಕ್ಕಾಗಿ ಆಡುವ ಮೂಲಕ ಗಮನ ಸೆಳೆದಿದ್ದಾರೆ. ಕರನ್ ಬ್ರದರ್ಸ್ ಇಂಗ್ಲೆಂಡ್ಗಾಗಿ (England) ಆಡುವ ಮೂಲಕ ಈಗಾಗಲೇ ವಿಶ್ವವಿಖ್ಯಾತಿ ಪಡೆದುಕೊಂಡಿದ್ದಾರೆ. ಮಂಗಳವಾರ ಜಿಂಬಾಬ್ವೆ (Zimbabwe) ಪರ ಬೆನ್ ಕರನ್ ಶತಕ ಗಳಿಸಿದರು. 28 ವರ್ಷದ ಬೆನ್ ಕರೆನ್ ಒಬ್ಬ ಪರಿಣಿತ ಬ್ಯಾಟ್ಸ್ಮನ್. ಅವರ 118 ರನ್ಗಳ ಇನ್ನಿಂಗ್ಸ್ ನೆರವಿನಿಂದ ಜಿಂಬಾಬ್ವೆ ಐರ್ಲೆಂಡ್ ತಂಡವನ್ನ 9 ವಿಕೆಟ್ಗಳಿಂದ ಸೋಲಿಸಿತು. ಇದರೊಂದಿಗೆ ಜಿಂಬಾಬ್ವೆ ಮೂರು ಪಂದ್ಯಗಳ ಸರಣಿಯನ್ನು 2-1 ಅಂತರದಿಂದ ಗೆದ್ದುಕೊಂಡಿತು. ತಮ್ಮ ODI ವೃತ್ತಿಜೀವನದ ಮೊದಲ ಶತಕ ಗಳಿಸಿದ ಬೆನ್ ಕರನ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರು.
ಬೆನ್ ಕರನ್ ಅವರ ತಂದೆ ಕೆವಿನ್ ಜಿಂಬಾಬ್ವೆ ಪರವೇ ಆಡಿದ್ದರು. ಅವರ ಅಂತರರಾಷ್ಟ್ರೀಯ ವೃತ್ತಿಜೀವನದಲ್ಲಿ 11 ಏಕದಿನ ಪಂದ್ಯಗಳನ್ನು ಒಳಗೊಂಡಿದೆ. ನಿವೃತ್ತಿಯ ನಂತರ ಕೆವಿನ್ ಕರನ್ ಜಿಂಬಾಬ್ವೆಯಿಂದ ಇಂಗ್ಲೆಂಡ್ಗೆ ಸ್ಥಳಾಂತರಗೊಂಡರು. ಇದಾದ ನಂತರ, ಅವರ ಇಬ್ಬರು ಪುತ್ರರಾದ ದೇಶಿ ಕ್ರಿಕೆಟ್ನಲ್ಲಿ ಕೌಂಟಿ ಆಡಲು ಶುರು ಮಾಡಿದ್ದ ಟಾಮ್ ಕರನ್ ಮತ್ತು ಸ್ಯಾಮ್ ಕರನ್ ಇಂಗ್ಲೆಂಡ್ ಪರ ಆಡಲು ಪ್ರಾರಂಭಿಸಿದರು.
ಮತ್ತೊಂದೆಡೆ, ಬೆನ್ ಕರನ್ ಕೂಡ ಸರ್ರೆ ಪರ ಆಡಿದರೂ ಇಂಗ್ಲೆಂಡ್ ತಂಡದಲ್ಲಿ ಅವಕಾಶ ಸಿಗಲಿಲ್ಲ. ಇದೀಗ ಈ ವರ್ಷದಿಂದ ಅವರು ತಮ್ಮ ತಂದೆಯ ತವರು ತಂಂಡದಿಂದಲೇ ತಮ್ಮ ಅಂತಾರಾಷ್ಟ್ರೀಯ ಕ್ರಿಕೆಟ್ ವೃತ್ತಿ ಜೀವನ ಆರಂಭಿಸಿದ್ದರು.ಇಲ್ಲಿಯವರೆಗೆ 6 ಏಕದಿನ ಮತ್ತು 3 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. ಬೆನ್ ಸಹೋದರರಾದ ಸ್ಯಾಮ್ ಮತ್ತು ಟಾಮ್ ಕರನ್ ಐಪಿಎಲ್ನಲ್ಲಿ ಆಡುತ್ತಿದ್ದಾರೆ.
ಜಿಂಬಾಬ್ವೆ ಮತ್ತು ಐರ್ಲೆಂಡ್ ನಡುವಿನ ಮೂರನೇ ಏಕದಿನ ಪಂದ್ಯ ಹರಾರೆಯಲ್ಲಿ ನಡೆಯಿತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಐರ್ಲೆಂಡ್ 6 ವಿಕೆಟ್ಗೆ 240 ರನ್ ಗಳಿಸಿತು. ಐರ್ಲೆಂಡ್ ಪರ ಆಂಡಿ ಬಾಲ್ಬಿರ್ನಿ ಅತಿ ಹೆಚ್ಚು 64 ರನ್ ಗಳಿಸಿದರು. ಲೋರ್ಕನ್ ಟಕರ್ (61) ಮತ್ತು ಹ್ಯಾರಿ ಟೆಕ್ಟರ್ (51) ಅರ್ಧಶತಕ ಗಳಿಸಿ ಮಿಂಚಿದರು.
141 ರನ್ಗಳ ಗುರಿಯನ್ನು ಜಿಂಬಾಬ್ವೆಗೆ ಸುಲಭವಾಗಿ ತಲುಪುತು. ಅದರ ಆರಂಭಿಕ ಆಟಗಾರ ಬೆನ್ ಕರನ್ ಶತಕ ಗಳಿಸಿದರೆ, ಬ್ರಿಯಾನ್ ಬೆನೆಟ್ 48 ಎಸೆತಗಳಲ್ಲಿ 48 ರನ್ ಗಳಿಸಿ ಅದ್ಭುತ ಇನ್ನಿಂಗ್ಸ್ ಆಡಿದರು. ಬ್ರಿಯಾನ್ ಬೆನೆಟ್ ಔಟಾದ ನಂತರ, ಬೆನ್ ಕರನ್ ತಮ್ಮ ನಾಯಕ ಕ್ರೇಗ್ ಎರ್ವಿನ್ (69) ಅವರೊಂದಿಗೆ ತಂಡವನ್ನು ಗುರಿಯತ್ತ ಕೊಂಡೊಯ್ದರು. ಈ ಪಂದ್ಯದಲ್ಲಿ ಜಿಂಬಾಬ್ವೆ ಕೇವಲ 39.3 ಓವರ್ಗಳಲ್ಲಿ 1 ವಿಕೆಟ್ಗೆ 246 ರನ್ ಗಳಿಸುವ ಮೂಲಕ ಜಯ ಸಾಧಿಸಿತು. ಬೆನ್ ಕರನ್ 130 ಎಸೆತಗಳಲ್ಲಿ 118 ರನ್ ಗಳಿಸಿ ಅಜೇಯರಾಗುಳಿದರು. ಅವರು ತಮ್ಮ ಇನ್ನಿಂಗ್ಸ್ನಲ್ಲಿ 14 ಬೌಂಡರಿಗಳನ್ನು ಬಾರಿಸಿದರು.
28 ವರ್ಷದ ಬೆನ್ ಕರನ್ ಎಡಗೈ ಅಗ್ರ ಕ್ರಮಾಂಕದ ಬ್ಯಾಟ್ಸ್ಮನ್. ಬಲಗೈ ಆಫ್ ಸ್ಪಿನ್ ಬೌಲ್ ಮಾಡಬಲ್ಲರು. ಅವರು 45 ಪ್ರಥಮ ದರ್ಜೆ ಪಂದ್ಯಗಳಲ್ಲಿ 34.70 ಸರಾಸರಿಯಲ್ಲಿ 2429 ರನ್ ಗಳಿಸಿದ್ದಾರೆ, 36 ಲಿಸ್ಟ್-ಎ ಪಂದ್ಯಗಳಲ್ಲಿ 999 ರನ್ ಗಳಿಸಿದ್ದಾರೆ.
ಸ್ಯಾಮ್ ಕರನ್ ಇಂಗ್ಲೆಂಡ್ ತಂಡದ ಪರ 24 ಟೆಸ್ಟ್, 35 ಏಕದಿನ, 58 ಟಿ20 ಪಂದ್ಯಗಳನ್ನಾಡಿದ್ದು, ಕ್ರಮವಾಗಿ 47,33 ಹಾಗೂ 54 ವಿಕೆಟ್ ಪಡೆದಿದ್ದಾರೆ. ಬ್ಯಾಟಿಂಗ್ನಲ್ಲಿ 815, 597 ಹಾಗೂ 356 ರನ್ಗಳಿಸಿದ್ದಾರೆ. ಟಾಮ್ ಕರನ್ 2 ಟೆಸ್ಟ್, 28 ಏಕದಿನ ಹಾಗೂ 30 ಟಿ20 ಪಂದ್ಯಗಳನ್ನಾಡಿದ್ದಾರೆ. ಅವರು ಕ್ರಮವಾಗಿ 2, 34, 29 ವಿಕೆಟ್ ಪಡೆದಿದ್ದಾರೆ.
ಅಫ್ಘಾನಿಸ್ತಾನವು ಜಿಂಬಾಬ್ವೆ ಪ್ರವಾಸದಲ್ಲಿ ಮೂರು ಟಿ20, ಮೂರು ಏಕದಿನ ಮತ್ತು ಎರಡು ಟೆಸ್ಟ್ ಪಂದ್ಯಗಳನ್ನು ಆಡಲಿದೆ. ಅಫ್ಘಾನಿಸ್ತಾನ ಟಿ20 ಸರಣಿಗೆ ಪ್ರಕಟಿಸಲಾದ ಜಿಂಬಾಬ್ವೆ ತಂಡದಲ್ಲಿ ಬೆನ್ ಕರನ್ ಆಯ್ಕೆಯಾಗಿಲ್ಲ. ಕೇವಲ ಏಕದಿನ ಸರಣಿಗೆ ಮಾತ್ರ ಅವರನ್ನು ಆಯ್ಕೆ ಮಾಡಲಾಗಿದೆ. ದೇಶಿಯ ಕ್ರಿಕೆಟ್ನಲ್ಲಿ ಉತ್ತಮ ಪ್ರದರ್ಶನ ತೋರುತ್ತಿರುವ ಬೆನ್ ಕರನ್ 50 ಓವರ್ ಮಾದರಿಯಲ್ಲಿ ಅವಕಾಶ ಪಡೆದಿದ್ದಾರೆ. ನಾಳೆಯಿಂದ ಟಿ20 ಸರಣಿ ಆರಂಭವಾಗಲಿದೆ.
Feb 18, 2025 10:34 PM IST
