ದೇಶದೆಲ್ಲೆಡೆ ಐಪಿಎಲ್ ಟಿ20 ಕ್ರಿಕೆಟ್ ಉತ್ಸಾಹ ಮೊಳಗುತ್ತಿರುವಾಗ, ವೊಡಾಫೋನ್ ಐಡಿಯಾ-ವಿಐ (ವಿ) ತನ್ನ 5ಜಿ ತಂತ್ರಜ್ಞಾನ ಸೇವೆಗಳನ್ನು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ತಂದಿದೆ. ಬೆಂಗಳೂರಿನಲ್ಲಿರುವ ಕ್ರಿಕೆಟ್ ಪ್ರಿಯರು ನೇರ ಕ್ರಿಕೆಟ್ ವೀಕ್ಷಣೆಯಲ್ಲಿ ಮುಳುಗಿರುವಾಗಲೇ, ಅತ್ಯಂತ ವೇಗದ ಡೇಟಾ ಪ್ರಸರಣದ ಅನುಭವ ಪಡೆಯುವುದನ್ನು ಖಚಿತಪಡಿಸಲು, ಕ್ರೀಡಾಂಗಣದಲ್ಲೇ ತಡೆರಹಿತ 5ಜಿ ಸಂಪರ್ಕ ಒದಗಿಸಲು ‘ವಿ’ ತನ್ನ ಡೇಟಾ ನೆಟ್ವರ್ಕ್ ಮೂಲಸೌಕರ್ಯವನ್ನು ಬಲಪಡಿಸಿದೆ.