ಗೆದ್ದು ಅಭಿಯಾನ ಮುಗಿಸಿದ ಬೆಂಗಳೂರು ಬುಲ್ಸ್
ಪಿಕೆಎಲ್ ಕೊನೆಯ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಮತ್ತು ಹರಿಯಾಣ ಸ್ಟೀಲರ್ಸ್ ನಡುವೆ ಸೆಣಸಾಟ ನಡೆಯಿತು. ಆರಂಭದಲ್ಲಿ ಹಿನ್ನಡೆ ಅನುಭವಿಸಿದ್ದ ಬುಲ್ಸ್, ಕೊನೆಯ ಹಂತದಲ್ಲಿ ತಿರುಗೇಟು ನೀಡಿತು. ಪರಿಣಾಮ 39-53 ಅಂಕಗಳ ಅಂತರದಿಂದ ಗೆದ್ದು ಬೀಗಿತು. ಸುಶೀಲ್ ಅವರ 22 ರೈಡಿಂಗ್ ಅಂಕಗಳ ನೆರವಿನಿಂದ ಬೆಂಗಳೂರು ಗೆಲುವು ಸಾಧಿಸಿತು. ಅಕ್ಷಿತ್ ಧುಲ್ 8, ಅರುಲ್ ನಂದಾ ಬಾಬು ವೇಲುಸ್ವಾಮಿ, ಪೊನ್ಪರ್ತಿಬನ್ ಸುಬ್ರಮಣಿಯನ್ ತಲಾ 5 ಅಂಕ ಗಳಿಸಿ ಸಾಥ್ ನೀಡಿದರು. ಹರಿಯಾಣ ಪರ ತೇಜಸ್ ಪಾಟೀಲ್ 11 ಅಂಕ ಸಂಪಾದಿಸಿ ಅವರ ತಂಡದ ಗರಿಷ್ಠ ಸ್ಕೋರರ್ ಆಗಿದ್ದಾರೆ.