ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್ 2023 ರ ಅಧಿಕೃತ ಮ್ಯಾಸ್ಕಾಟ್ ‘ಲಾರ್ಡ್ ಹನುಮಾನ್’ | Asian Athletics Championships 2023 : Lord Hanuman Is Official Mascot

Sports

oi-Mamatha M

ಬ್ಯಾಂಕಾಕ್‌, ಜುಲೈ. 11: ಬುಧವಾರ ಬ್ಯಾಂಕಾಕ್‌ನಲ್ಲಿ ಪ್ರಾರಂಭವಾಗುವ ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನ ಈ ಆವೃತ್ತಿಯಲ್ಲಿ ಭಾರತದ ಅತ್ಯಂತ ಪೂಜ್ಯ ದೇವರುಗಳಲ್ಲಿ ಒಂದಾದ ‘ಲಾರ್ಡ್ ಹನುಮಾನ್’ ಅಧಿಕೃತ ಮ್ಯಾಸ್ಕಾಟ್ ಆಗಿ ಆಯ್ಕೆಯಾಗಿದೆ. ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್ 2023 ಥೈಲ್ಯಾಂಡ್‌ನಲ್ಲಿ ಜುಲೈ 12 ರಂದು ಪ್ರಾರಂಭವಾಗಲಿದೆ.

ಕಾಂಟಿನೆಂಟಲ್ ಆಡಳಿತ ಮಂಡಳಿಯ ಸ್ಥಾಪನೆಯ 50 ನೇ ವಾರ್ಷಿಕೋತ್ಸವದಂದು ಈ ಕಾರ್ಯಕ್ರಮವನ್ನು ನಡೆಸಲಾಗುತ್ತಿದೆ. “ವೇಗ, ಶಕ್ತಿ, ಧೈರ್ಯ ಮತ್ತು ಬುದ್ಧಿವಂತಿಕೆ ಸೇರಿದಂತೆ ರಾಮನ ಸೇವೆಯಲ್ಲಿ ಹನುಮಂತನು ಅಸಾಧಾರಣ ಸಾಮರ್ಥ್ಯಗಳನ್ನು ಪ್ರದರ್ಶಿಸಿದಂತೆ, ವಾಸ್ತವವಾಗಿ, ನಂಬಲಾಗದಷ್ಟು ದೃಢವಾದ ನಿಷ್ಠೆ ಮತ್ತು ಭಕ್ತಿಯು ಹನುಮಂತನ ಶ್ರೇಷ್ಠ ಸಾಮರ್ಥ್ಯವಾಗಿದೆ” ಎಂದು ಏಷ್ಯನ್ ಅಥ್ಲೆಟಿಕ್ಸ್ ಅಸೋಸಿಯೇಷನ್ ತನ್ನ ವೆಬ್‌ಸೈಟ್‌ನಲ್ಲಿ ತಿಳಿಸಿದೆ.

“25ನೇ ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್ 2023ರ ಲೋಗೋ ಅಥ್ಲೀಟ್‌ಗಳು ಆಟಗಳು, ಕೌಶಲ್ಯಗಳು, ಅಥ್ಲೀಟ್‌ಗಳ ಟೀಮ್‌ವರ್ಕ್, ಅಥ್ಲೆಟಿಸಿಸಂ, ಸಮರ್ಪಣೆ ಮತ್ತು ಕ್ರೀಡಾಮನೋಭಾವದ ಪ್ರದರ್ಶನಗಳಲ್ಲಿ ಭಾಗವಹಿಸುವುದನ್ನು ಸೂಚಿಸುತ್ತದೆ” ಎಂದಿದೆ.

World Cup Shedule 2023: ಬೆಂಗಳೂರಿನ ಪಂದ್ಯದಲ್ಲಿ ಭಾರತದ ಎದುರಾಳಿ ತಂಡ ಫೈನಲ್: ಯಾರು, ಯಾವಾಗ ತಿಳಿಯಿರಿ

ಶಾಟ್‌ಪುಟ್‌ ಪಟು ತಜಿಂದರ್‌ಪಾಲ್‌ ಸಿಂಗ್‌ ತೂರ್‌ ಮತ್ತು ಲಾಂಗ್‌ ಜಂಪರ್‌ ಮುರಳಿ ಶ್ರೀಶಂಕರ್‌ ನೇತೃತ್ವದ ಭಾರತ ತಂಡ ಚಾಂಪಿಯನ್‌ಷಿಪ್‌ನಲ್ಲಿ ಪ್ರಭಾವಿ ಪ್ರದರ್ಶನವನ್ನು ನೀಡುವ ನಿರೀಕ್ಷೆಯಲ್ಲಿದೆ. ಐದು ದಿನಗಳ ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ಗಾಗಿ ಭಾರತ ತಂಡ ಶನಿವಾರ ರಾತ್ರಿ ದೆಹಲಿ ಮತ್ತು ಬೆಂಗಳೂರಿನಿಂದ ಹೊರಟಿದೆ.

ಒಲಿಂಪಿಕ್ ಚಿನ್ನದ ಪದಕ ವಿಜೇತ ಮತ್ತು ಭಾರತದ ಜಾವೆಲಿನ್ ಎಸೆತದ ಏಸ್ ನೀರಜ್ ಚೋಪ್ರಾ ಥಾಯ್ಲೆಂಡ್‌ಗೆ ಪ್ರಯಾಣಿಸುತ್ತಿರುವ ಭಾರತೀಯ ತಂಡಕ್ಕೆ ತಮ್ಮ ಶುಭಾಶಯಗಳನ್ನು ತಿಳಿಸಿದ್ದಾರೆ. “ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ಗಾಗಿ ತೆರಳುತ್ತಿರುವ ಟೀಮ್‌ ಇಂಡಿಯಾ ತಂಡಕ್ಕೆ ನನ್ನ ಶುಭಾಶಯಗಳು. ನಾವು ಯಶಸ್ಸಿನ ಅಭಿಯಾನವನ್ನು ನಡೆಸುತ್ತೇವೆ ಎಂದು ನನಗೆ ನಂಬಿಕೆಯಿದೆ. ಜೈ ಹಿಂದ್!” ಎಂದಿದ್ದಾರೆ.

ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ಗಾಗಿ ತೆರಳುತ್ತಿರುವ ಭಾರತೀಯ ತಂಡ ಹೀಗಿದೆ

ಪುರುಷರು: ರಾಜೇಶ್ ರಮೇಶ್ ಮತ್ತು ಮುಹಮ್ಮದ್ ಅಜ್ಮಲ್ (400ಮೀ/4×400ಮೀ ರಿಲೇ/4×400ಮೀ ಮಿಶ್ರ ರಿಲೇ), ಅಮೋಜ್ ಜಾಕೋಬ್ (4×400ಮೀ ರಿಲೇ/4×400ಮೀ ಮಿಶ್ರ ರಿಲೇ), ನಿಹಾಲ್ ಜೋಯಲ್ ವಿಲಿಯಂ, ಮಿಜೋ ಚಾಕೋ ಕುರಿಯನ್ (4×400ಮೀ ರಿಲೇ), ಕ್ರಿಶನ್ ಕುಮಾರ್ ಮತ್ತು ಮೊಹಮ್ಮದ್ ಅಮ್ಸಲ್ (80ಮೀ), ಅಜಯ್ ಕುಮಾರ್ ಸರೋಜ್ ಮತ್ತು ಜಿನ್ಸನ್ ಜಾನ್ಸನ್ (1500ಮೀ), ಗುಲ್ವೀರ್ ಸಿಂಗ್ (5000ಮೀ/10000ಮೀ), ಅಭಿಷೇಕ್ ಪಾಲ್ (5000ಮೀ/10000ಮೀ), ಮೊಹಮ್ಮದ್ ನುರ್ಹಾಸನ್ ಮತ್ತು ಬಾಲ್ ಕಿಶನ್ (3000ಮೀ ಸ್ಟೀಪಲ್‌ಚೇಸ್), ಯಶಸ್ ಪಾಲಾಕ್ಷ ಮತ್ತು ಸಂತೋಷ್ ಕುಮಾರ್ (400ಮೀ), ತೆಕಾಥ್‌ವಿನ್ ಶಂಕರ್‌ವಿನ್ (400ಮೀ), ಸರ್ವೇಶ್ ಅನಿಲ್ ಕುಶಾರೆ (ಹೈ ಜಂಪ್), ಜೆಸ್ವಿನ್ ಆಲ್ಡ್ರಿನ್ ಮತ್ತು ಮುರಳಿ ಶ್ರೀಶಂಕರ್ (ಲಾಂಗ್ ಜಂಪ್), ಅಬ್ದುಲ್ಲಾ ಅಬೂಬಕರ್ (ಟ್ರಿಪಲ್ ಜಂಪ್), ತಜಿಂದರ್ಪಾಲ್ ಸಿಂಗ್ ತೂರ್ ಮತ್ತು ಕರಣ್ವೀರ್ ಸಿಂಗ್ (ಶಾಟ್ ಪುಟ್), ಡಿಪಿ ಮನು (ಜಾವೆಲಿನ್ ಎಸೆತ), ಅಕ್ಷದೀಪ್ ಸಿಂಗ್ ಮತ್ತು ವಿಕಾಶ್ ಸಿಂಗ್ (20 ಕಿಮೀ ಓಟದ ನಡಿಗೆ).

ಮಹಿಳೆಯರು: ಜ್ಯೋತಿ ಯರ್ರಾಜಿ (200ಮೀ/100ಮೀ ಹರ್ಡಲ್ಸ್), ನಿತ್ಯ ರಾಮರಾಜ್ (100ಮೀ ಹರ್ಡಲ್ಸ್), ಐಶ್ವರ್ಯ ಮಿಶ್ರಾ (400ಮೀ/4×400ಮೀ ರಿಲೇ/4×400ಮೀ ಮಿಶ್ರ ರಿಲೇ), ಚಂದಾ ಮತ್ತು ಲವಿಕಾ ಶರ್ಮಾ (800ಮೀ), ಲಿಲಿ ದಾಸ್ (1500ಮೀ), ಅಂಕಿತಾ (1500ಮೀ), ಪಾರುಲ್ ಚೌಧರಿ (5000ಮೀ/3000ಮೀ ಸ್ಟೀಪಲ್‌ಚೇಸ್), ಸಂಜೀವನಿ ಜಾಧವ್ (10000ಮೀ), ಪ್ರೀತಿ (3000ಮೀ ಸ್ಟೀಪಲ್‌ಚೇಸ್), ಪೂಜಾ ಮತ್ತು ರುಬಿನಾ ಯಾದವ್ (ಹೈಜಂಪ್), ಬಾರಾನಿಕಾ ಇಳಂಗೋವನ್ (ಪೋಲ್ ವಾಲ್ಟ್), ಶೈಲಿ ಸಿಂಗ್ ಮತ್ತು ಆನ್ಸಿ ಖಾಜನ್ (ಲಾಂಗ್ ಜಂಪ್), ಅಭತುವಾ ಮನ್‌ಪ್ರೀತ್ ಕೌರ್ (ಶಾಟ್‌ಪುಟ್), ಅಣ್ಣು ರಾಣಿ (ಜಾವೆಲಿನ್ ಎಸೆತ), ಸ್ವಪ್ನಾ ಬರ್ಮನ್ (ಹೆಪ್ಟಾಥ್ಲಾನ್), ಪ್ರಿಯಾಂಕಾ ಮತ್ತು ಭಾವನಾ ಜಾಟ್ (20 ಕಿಮೀ ಓಟದ ನಡಿಗೆ), ರೆಜೋನಾ ಮಲ್ಲಿಕ್ ಹೀನಾ ಮತ್ತು ಜ್ಯೋತಿಕಾ ಶ್ರೀ ದಂಡಿ (4×400 ಮೀ ರಿಲೇ/4×400 ಮೀ ಮಿಶ್ರ ರಿಲೇ), ಜಿಸ್ನಾ ಮ್ಯಾಥ್ಯೂ ಮತ್ತು ಶುಭಾ ವೆಂಕಟೇಶನ್ (4×400).