ಜೆಸ್ ಜೊನಾಸೆನ್ (25ಕ್ಕೆ 3), ಮಿನ್ನು ಮಣಿ (17ಕ್ಕೆ 3) ಅವರ ಬೌಲಿಂಗ್ ಬಲ ಮತ್ತು ನಾಯಕಿ ಮೆಗ್ ಲ್ಯಾನಿಂಗ್ ಅವರ ಅಜೇಯ ಅರ್ಧಶತಕದ (60*) ಸಹಾಯದಿಂದ ಹ್ಯಾಟ್ರಿಕ್ ಗೆಲುವು ಸಾಧಿಸಿ ಬೀಗುತ್ತಿದ್ದ ಮುಂಬೈ ಇಂಡಿಯನ್ಸ್ (Mumbai Indians) ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ (Delhi Capitals) 9 ವಿಕೆಟ್ ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೆ ಮರಳಿದ್ದು, ಪ್ಲೇಆಫ್ ಹಾದಿಯನ್ನು ಸುಗಮಗೊಳಿಸಿದೆ. ಹರ್ಮನ್ ಪಡೆಯ ಅಸಂಘಟಿತ ಹೋರಾಟಕ್ಕೆ ಸೋಲಿನ ಬೆಲೆ ತೆರುವಂತಾಗಿದೆ.