ರನ್, ಶತಕ, ಅರ್ಧಶತಕ, ಆಟದ ಸೊಬಗು, ಎದುರಾಳಿಗಳ ವಿರುದ್ಧ.. ಹೀಗೆ ಪ್ರತಿಯೊಂದು ವಿಚಾರದಲ್ಲೂ ಸಚಿನ್ಗೆ ಫೈಟ್ ನೀಡಿದರು. ಎಲ್ಲಾ ವಿಭಾಗದಲ್ಲೂ ಸಚಿನ್ರನ್ನೇ ಮೀರಿಸುವಷ್ಟು ಎತ್ತರಕ್ಕೆ ಬೆಳೆದರು. ಸಚಿನ್ ಸಿಂಹಾಸನವನ್ನೂ ಆಕ್ರಮಿಸಿಕೊಳ್ಳಲು ಹೆಜ್ಜೆ ಇಟ್ಟರು. ನೋಡ ನೋಡುತ್ತಿದ್ದಂತೆ, ಭಾರತ ತಂಡದ ಮಹಾ ಶಕ್ತಿಯಾದರು. ಹಿಂದೂ ಮುಂದು ನೋಡದೇ ಕರೆದುಬಿಟ್ಟರು ಸಚಿನ್ಗೆ ಸೂಕ್ತ ಉತ್ತರಾಧಿಕಾರಿ ಕೊಹ್ಲಿ ಎಂದು. ಟಿ20, ಏಕದಿನ, ಟೆಸ್ಟ್ ಮೂರು ವಿಭಾಗಗಳಲ್ಲೂ ರನ್ ಕೊಳ್ಳೆ ಹೊಡೆದರು. ರನ್ ಸಾಮ್ರಾಜ್ಯ ನಿರ್ಮಿಸಿದರು.