ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ ಮತ್ತು ಪಾಕಿಸ್ತಾನ (India vs Pakistan) ನಡುವಿನ ಪಂದ್ಯವೆಂದರೆ ಅಲ್ಲಿ ರೋಚಕತೆಗೆ ಹೆಚ್ಚು ಪ್ರಾಶಸ್ತ್ಯ. ಉಭಯ ತಂಡಗಳ ನಡುವೆ ನಿಯಮಿತವಾಗಿ ಪಂದ್ಯಗಳು ನಡೆಯದಿದ್ದರೂ, ಐಸಿಸಿಯ ಪ್ರಮುಖ ಈವೆಂಟ್ಗಳಲ್ಲಿ ನಡೆಯುವ ಇಂಡೋ ಪಾಕ್ ಕದನಕ್ಕಾಗಿ ಅಭಿಮಾನಿಗಳು ಕಾಯುತ್ತಿರುತ್ತಾರೆ. ಈ ಹಿಂದೆ ಈ ಎರಡು ತಂಡಗಳ ನಡುವಿನ ಪಂದ್ಯವನ್ನು ಬದ್ಧ ವೈರಿಗಳ ಕಾದಾಟ ಎದೇ ಬಿಂಬಿಸಲಾಗುತ್ತಿತ್ತು. ಆದರೆ, ಈಗ ಜನರ ಯೋಚನಾ ಲಹರಿ ಸ್ವಲ್ಪ ಮಟ್ಟಿಗೆ ಬದಲಾಗಿದೆಯಾದರೂ, ಕ್ರೀಡಾಸ್ಫೂರ್ತಿಯ ನೆಲೆಗಟ್ಟಿನಲ್ಲಿ ಯೋಚಿಸಿದರೂ ಭಾರತ ಪಾಕಿಸ್ತಾನ ನಡುವಿನ ಪಂದ್ಯವು ರೋಚಕತೆಯನ್ನು ಹಾಗೆಯೇ ಉಳಿಸಿಕೊಂಡಿದೆ.